Σeddan yakan 12 n yiseggasen segmi i yemmut Lwennas. Seg yimiren γer da meḥsub akken i aγ-yeğğa i nella neγ ahat imiren axir. Di tallit-nni meqqar yesdekwil-aγ-d s tezlatin-is n wuzzal,yesmektay-aγ-d yal tikelt γef umennu&gamma,;γef tdukli d wamek ara nebnu Lezzayer n uzekka.Lezzayer n wass-a mačči akken i tt-yebγa i tella.Tin i yebγa Lwennas d tamagdayt ideg yal yiwen yesεa azref akken ad yefk rray-is, ad ittekki deg uselḥu n lumur n tmurt,mačči d tin ara selḥuyen sin kan neγ tlata n yikabaren isenden γer udabu.Lezzayer n Lwennas d tamaziγt,d nettat i d ul n Tmazγa. Ur yelli kra n ccek di tmuzzeγt n yimezdaγ-is d iεerbawalen i llan neγ d imazγawalen.Limer d lebγi-k ay ul yal azzayri ad inadi anda yedda laṣel-ines,ad yini s tin n zzux:”Mačči si ssuq i d usi&gamma,;laṣel-iw d amaziγ”.Ass-a mazal-aγ nettḥettim iman-nneγ d aḥettem i Lumma lεarabiya,nutni seg tama-nsen reggmen-aγ ula di leγnawi-nsen,nnan: “Antum amaziγ hamağiyyun”seg wakken nessusem, nesganay iman-nneγ s ṣḍa-nni:”Neḥnu amaziγ εerrabana al islam”.Akka armi Lezzayer n wass-a yerγa leεlam-is rnan ttwaregmen wid yemmuten fell-as melba ma inṭeq-d yiwen.Lezzayer n Lwennas d talayikit,ideg ddin yewwi-d ad yettwaqadar ma neğğa-t deg umkan-is,ur t-id-neggar ara deg lumur n tsertit ideg qwant tmeckukal.Ur yezmir ara yiwen ad as-yini iwayeḍ kečč d lkafer neγ d lmurted neγ ayγer i tuγaleḍ γer ddin n kada…Netta tewwi-d γef yimdanen ad mḥababen i yebγu yili wayen i s ttamnen. Lwennas s tewzel,yurar dduṛ d ameqran deg uselḥu n tiktiwin titrarin deg tmetti-nne&gamma,;uḥureb s lqewwa tiktiwin n utxellef d temṭerfit imi deg ubrid-nsen ala ayen n diri i yellan ulac deg-s lmaṣlaḥa n uzzayri ur nuklal ayen i t-yuγen deg txessarin i d-yeγlin fell-as.
Segmi i t-nγan yifassen n leγḍer ar yimir-a, yeğğa-d ilem d ameqran.Ass-a ulac kra n ucennay i izemmren ad ikemmel aγ-d-yesfiq am tallit-nni.Tura sennig n tezlatin γef “lfariq al waṭani” akked tid n tmeγriwin,tizlit yerzan lumur n tsertit d tmetti meḥsub iṛuḥ wemkan-is.Wissen kan ahat seg mesya γer zdat ad yuγal leεqel γer yizzayriyen i iregglen γef tidet s sseba n εeyyu i d-teğğa deg-sen tεecret n rrebrab d tefsut taberkant.Ilaq ad akin imi asenfar n Lezzayer uzekka mazal deg-s lebni.
Mokrane Chikhi