Accueil Tamazight Tabrat i Kenza

Tabrat i Kenza

2403

Ɣas akka ur kem-ssineɣ ara, ur ẓriɣ amek i am-d-flen wallen, maca d lwaǧeb fell-i ad am-n-azneɣ tarzeft-agi ilmend n umulli wis-18 seg lmut n baba-m (nettalas deg-s ula d nekni).
Ahat, tesḥissifeḍ imi ur teddireḍ ara yid-s, ur t-tessineḍ ara, ḥala cfawat n temẓi i tkesbeḍ fell-as, maca, di tazwara, akka i yura deg unyir, tis-snat, ay rrezg-im kem yellan d yelli-s n Tahar Djaout !
Ulamma iɣab fell-awen (akent), ẓer kan belli lhiba-s tezdeɣ i lebda deg uxxam, imi akken yedder s tissas i yemmut yes-sent. Akken i mazal Amirouche, Abane, Krim, Mammeri, Boudiaf, Matoub d wiyaḍ, i mazal isem n baba-m yettunebdar s ttnefxa ɣur-neɣ.
Ma newwi-d awal ɣef umecwar i d-yuɣ si temẓi-s, ad naf yedder ugar n 100 n yiseggasen. Yeɣra, yura, yessefra, yessaki, iwelleh…
Wid iqesden i lmut-is, ḥsan d akken ur zmiren ad ssiwḍen s aswir ideg yella. Ur zmiren ad qenɛen imdanen akken ixeddem netta, imi awal-is yebna ɣef ṣṣwab d tidet.
Yedder s tirrugza, yeɣli d ameɣras, yeǧǧa-d agerruj deffir-s. Ihi, ur ttayes kem yellan d tagujilt n ubabat. Igujilen d wid i teǧǧa tmusni, d wid yesɛan imawlan itteggiden tamusni, ma d kem, zdi lqed-im, zux, ternuḍ !

S-ɣur weltma-m Sylia