Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
…Yal wa yewwi-d tacemmaεt-is deg ufus-is, zzin-as-d yessent i Nuja ideflawen.
Ah ya ssiεqa! Ah ya ssiεqa, i d as-qqaren akken llan, ay acḥal tecbeḥ teqcict-agi!!!!
Seg wakken ḥlawet tmuγli di sser yakkd ccbaḥa n Nuja ideflawen, ur tt-id-ssakin ara yakk seg yiḍeṣ, ğğan-tt texxuc di tmeṭṛeḥt-nni.
Ymuyud wis-sa, bu tmeṭṛeḥt iγef texxuc, yerra-tt kra yekka yiḍ i usenned kan, acku yal tasaεet yettbeddil tameṭṛeḥt ger Iymuyuden-nni-nniḍen, almi d-yewwi tafat s wudem, mi yuli wass dayen.
Akken d-teldi allen-is teqcict, twala iterrasen-nni zdat-s kan d wamek gan, tenneqlab fell-as ddunit si tugdi, maca, nutni mmugren-tt s wawal aẓidan, taḍṣa d leḥdaqa, steqsan-tt tazwara γef yisem-is.
« Isem-iw Nuja ideflawen » i d asen-tenna.
« Amek almi d-tusiḍ s axxam-nneγ » I tt-steqsan nutni sakin
Tessawel-asen-d tadyant d as-yeḍran:
D tameṭṭut n baba-s i tt-id-yewwin ger wallen-is, tra ad tt-tne&gamma,; maca, yefka-yas uṣeggad-nni d as-d-ssbedd ad tt-yekkes tudert-is d tunṭict.
Tenna-yasen daγen, kra yekka wass nettat d tazzla di tẓegwa d ixenduqen-nni yakk d-zegren iḍarren-is, almi tt-id-ssemlalen ṣṣellaḥ n tmurt-nni d wexxam-nsen ideg tt-id-ufan.
Iymuyuden nnan-as: Ma yehwa-yam ad tt-qameḍ yes-ne&gamma,; ad aγ-tessirideḍ icettiḍen d ijeqduren, ad aγ-d-tettnawaleḍ lqut, ad aγ-d-tessuḍ usu, ad aγ-tettxiḍiḍ lqecc, a d-telhuḍ akk d wayen yessefken deg wexxam, tzemreḍ ad tteqqimeḍ γur-neγ yerna ulac d acu ara kem-ixaṣṣen.
yettkemmil…