Accueil Tamazight Ad d-tessuddes yiwen n wass n tussna ɣef yidles unetrim (lḥebb lemluk)...

Taxxamt n tfellaḥt n lwilaya n Tizi Uzzu

Ad d-tessuddes yiwen n wass n tussna ɣef yidles unetrim (lḥebb lemluk) deg tɣiwant n Illilten

20

Ad tessuddes Texxamt n tfellaḥt n lwilaya n Tizi-Uzzu s lmendad n tenmehla n srabes n tfellaḥt n Tizi-Uzzu d Iferḥunen, yiwen n wass n tussna ad d-yilin ass-agi, 24 deg waggur n yulyu 2019, ɣef 10h n tsebḥit, deg taddart n Zubga, yettabaεen ɣer tɣiwant n Illilten.

Ad d-yili usentel n temlilit-agi ɣef yidles d wayen i icudden ɣer tfellaḥt n unetrum, neɣ Lḥebb Lemluk (cerise). Ɣef waya dɣa, tger-d Texxamt n tfellaḥt n Tizi Uzzu tiɣri i yifellaḥen n temḍiqt-agi akken ad d-asen s ṭṭaqa, akken ad-d sfaydin seg temlilit-agi ideg ara yilin aṭas n yimussnawen n uḥric n tfellaḥt.

Ad-d-awin yimussnawen-agi awal ɣef useklu n lḥebb lemluk, d wazal n lɣella-agi, ama seg tama n tdawsa, ama seg tama n tdamsa. Am wakken ara mmeslayen diɣ ɣef wamek i ilaq ad d-tili tuẓut iwatan n useklu-agi, amek i t-fersen d wamek i t-leqmen.

Gar yimussnawen ara d-yessidren timlilit, ad naf Mass Kaci Boukhelfa, d amazzay, d amaswaḍ n wayen yeεnan yakk iberden n useḥbiber ɣef yimɣan d yisekla. Rnu ɣef waya d imeḍebber deg tenmehla n srabes n tfellaḥt n Tizi Uzzu.
Ali Zalouk