AAd d-yessuddes Usemtar n lwilaya gar yimsudar n uḥric n ttrebga n tzizwa (CLIFA), s tallelt n Uxxam n tfellaḥt n Tizi Uzzu, Tanmehla n Srabes n Tfellaḥt d Ulemmas n l’ITMAS n Boukhalfa, taɣlamt (caravane) tamezwarut n usileɣ deg ttrebga n tzizwa. Ad yebdu wahil n teɣlamt ass n, sed 5 seg waggur n tubeṛ deg dayra n Buzgen. Syin, ad ikemmel umecwaṛ n teɣlamt ass n amhad, 10 seg waggur n tubeṛ deg dayra n Draɛ Ben Xxedda.
Ad iḥaz usileɣ daɣen dayra n Ɛin Lḥemmam, ass n aram, 15 seg tubeṛ. Ade tili taggara n umecwaṛ n teɣlamt ass n aram, 22 seg tubeṛ, deg dayra n Friḥa. Sɛan azal meqqren leqdicat yecban wigi deg uḥric-agi n ttrebga n tzizwa, dayen ara d-yefken afud i usnerni n tfellaḥt, anda yella lexṣas deg lɣella d tɣara n tament. Dɣa ɣef leḥsab n yimussnawen n tfellaḥt, aya icudd s waṭas ɣer usileɣ n yifellaḥen, i d-yesfaydin seg wahilen n tallelt i d-yefka uwanak. Dɣa taɣlamt-agi n usileɣ d ttagnit i yifellaḥen i wakken ad d-refden seg tmussniwin timaynutin deg ttrebga n tzizwa.
Iɛeggalen n yidisan yemgaraden i d-iheggan leqdic-agi, gren tiɣri i yifellaḥen i d-yelhan s ttrebga n tzizwa i wakken ad d-asen s ṭṭaqa, ad sfaydin seg temsirin n usileɣ, ara d-fken yimussnawen n uḥric-agi yesselmad deg Ulemmas n ITMAS n Boukhalfa.
Ali Zalouk