Tameddit n wass n lexmis yezrin, tezzer yiwet n teqcict deg lebḥer tama Aokas. Taqcict-a n Buzgan, 26 n yiseggasen deg leɛmer-is, d tanelmadt deg tesdawit n Tizi Wezzu, tusa-d deg tirza i d-swejden ssrabes n yidles n uɣaram asdawan (cité univesitaire) n Bastos.
Akken d-ulsen wid yellan din, ssrabes n lemḥadra d kra n yinelmaden i d-yeddan yid-s, smenɛen-tt-id, suffɣen-tt-id seg lebḥer, meɛna ifut lawan : tessufeɣ rruḥ deg ubrid ɣer sbiṭar.
Akka tura, yewweḍ leḥsab seg wasmi i bdan ttecfen medden deg lebḥer aseggas-a, akken d-nnan ssrabes n laman, ɣer 13 n lmeytin, d 256 i d-smenɛen.
D. I