Tettwanɣa yiwet n temɣart s lmus ddurt-agi iɛeddan, di taddart n Fetḥun di tɣiwant n Cellaṭa dayra n Weqbu. Tamɣart-agi (A. F.) tesɛa 77 n yiseggassen di leɛmer-is, tezdeɣ i yiman-is mbeɛd imi yemmut urgaz-is, deg umkan iwumi semman Tala Wadda. Asmi glan fell-as ufan-tt tettɛummu deg yidammen-is, wwin-tt imir ɣer sbiṭar n Weqbu iwakken ad as-xedmen acellaḥ ɣef lǧessa-s ahat ad awḍen ɣer ssaɛa n lmut-is d wamek i tt-nɣan.
Ssrabes n yiǧadarmiyen rran tamsalt n tmenɣiwt n temɣart-agi ɣer uxxam n ccreɛ n Weqbu, ad nadin ɣef win yellan deffir n twaɣit yecban tagi d wanwa amdan ay refden afus-is ɣef temɣart n 77 yiseggassen di leɛmer-is.
Timsal am tigi qqlent ṭṭuqten-t di tuddar n leqbayel.
Djouher Chili