Ɣef leḥsab n Tenmehla n srabes n tfellaḥt n Tizi Uzzu, ad d-yili usuffeɣ n wazal n 18,2 n yimelyunen n litrat n zzit n uzemmur, deg tsemhuyt-agi n uzemmur. ad d-terr lwilaya n Tizi Uzzu deg lɣella n uzemmur azal n 917 800 n yiqenṭaren, dima ɣef Leḥsab n yimḍebbren n Tenmehla-agi. Ɣef wakken i d-nnan, ad d-tili zyada deg lɣella ma nessemres-itt d useggas iɛeddan. Deg useggas iɛeddan, yella-d kan usuffeɣ n 10 n yimalyunen n litrat n zzit n uzemmur. Ula d tiririt (rendement) deg uhiktar ad d-yennerni s waṭas ; ad yaweḍ ɣer 27 n yiqenṭaren deg uhiktar. Ma yella deg useggas iɛeddan, tiririt tella-d s wazal n 15 n yiqenṭaren deg uhiktar. Ɣef leḥsab n yimussnawen n tfellaḥt, aya icudd s waṭas ɣer waddad n tmelellit ɣef wacu tebna tfarest n uzemmur deg tmurt-nneɣ, dɣa aseggas ad d-tili lɣella s waṭas, aseggas-nniḍen ad d-txas s waṭas lɣella.
Ali Zalouk