Accueil Tamazight ‘’Deg Tewrirt Musa, ilul uqcic d amencuf ’’

LWENNAS MEƐTUB - Zrin 64 n yiseggasen ɣef tlallit-is : ‘’Deg Tewrirt Musa, ilul uqcic d amencuf ’’

262
- PUBLICITÉ -

Limmer mazal yeddir, tili ass-a, ɣur-s 64 n yiseggasen deg leɛmer-is.

- PUBLICITÉ -

Am yal aseggas, tesmekta-d taddart-is, Tawrirt Musa Waɛmer, ass-nni n lǧemɛa, 24 deg yennayer 2020, talallit n Meɛtub Lwennas, s kra n leqdicat idelsanen.

Am wakken i d-rzan aṭas n yimdanen, am tannumi, ɣer uẓekka-s seg yal tama n Tmurt. Aṭas n tejmilin, diɣ, i as-yuɣal ama deg Tmurt neɣ deg berra. Llant-d temsikniyin, isaragen d wayen-nniḍen. Semman ula d kr n yimekwan s yisem-is. Ilul Matub Lwennas ass n, 24 deg yennayer 1956, deg taddart n Tewrirt Musa Waɛmer n lɛarc n At Dwala. Seg wasmi i d-yekker, netta d amennuɣ : ur yelli kra i as-d-yusan kan akka. Yal tallit deg tudert-is, yefka-as lkar-is. Seg wasmi yella d agrud armi yettwanɣa ass n, 25 deg yulyu 1998, deg Tala Bbunan, netta d amqelleɛ. Anta ur yesɛedda mi yella d agrud, temẓi akked tgiṭar, Tafsut n yimaziɣen, tuber 1988, tukerḍa-s sɣur ‘’GIA’’ armi d timenɣiwt-is deg useggas n 1998. Yecna Lwennas Meɛtub i tikkelt taneggarut deg tzeqqa tameqqrant n Zenith n Fransa ass n, 12 deg yennayer 1998. Yettunek-as warraz n tmektit sɣur Danielle Mitterrand deg useggas n 1994. Seg tama n tiktiwin, nezmer ad d-nini, yettagem-d Meɛtub s umata deg tliwa-agi : Tamurt, taddart akked yiman-is.

Seg tama n uẓawan n ccaɛbi, yesseqdac akk ṭṭbuɛ am Zzidan, Ssika, Ṛresd, Ṛmel maya…atg. Rnu ɣer waya, yura adlis le Rebelle i d-yessufeɣ deg useggas n 1996, sin n yiseggas kan uqbel ad yemmet, sin-nniḍen daɣen mbeɛd mi yettwaker deg useggas 1994. Aṭas i yuran daɣen fell-as, nezmer ad d-nader : Pour l’amour d’un Rebelle n Nadia Matoub ; Matoub Lounes, mon frère n Malika Matoub ; Matoub Lounes n Rachid Mokhtari ; Matoub Lounes, notes et souvenirs d’un compagnons n Tayeb Abdelli ; Le barde flingué n Lounes Abderrahmane ; Anazbay, le résistant n Med Gaya…atg. Am wakken i d-llan yinadiyen, tizrawin akked usuqel ɣef ccna-s, yecban : Matoub Lounes, mon nom est combat n Yalla Seddiki ; Le testament n Lounes Abderrahmane ; Un poète, une voix, un combat n Smail Grin. Mebla ma nettu Fitas Rachida i ixedmen fell-as leqdic ameqqran asdawan.

Hocine Moula

- PUBLICITÉ -