Accueil Tamazight Imeslayen inmidagen s teqbaylit n Said Bouda

Ajdid deg tira

Imeslayen inmidagen s teqbaylit n Said Bouda

53

Deg tazwara n useggas-agi n 2019 i d-yessuffeɣ Saida Bouda 3 n yidlisen neɣ tesɣunin n yimeslayen inmidagen s teqbaylit. Yal adlis ɣur-s 30 n trastiwin i yinelmaden n uɣerbaz s umata. Ttwaheggant-d tesɣunin-a i lmendad n yal aswir n yinelmaden n uɣerbaz : inelmaden n uɣerbaz amenzu, wid n uɣerbaz alemmas akked yinelmaden n tesnawit. ‘’Imeslayen i sqedceɣ deg trasdiwin-agi d win i yellan deg yidlisen iɣurbizen. Yal aswir, ddmeɣ-d awal i yellan deg udlis-is. Akka ar ayaf unelmad amawal i yelmed neɣ ara yelmed deg uɣerbaz. Aya, yezmer ad as-yili d asmekti neɣ d areṣsi n wayen yeɣra yakan, mebla ma nudder-d urar d unecreḥ ara yaf deg trastiwin-agi’’, i aɣ-d-yenna Mass Bouda i d-yessewjaden yal letnayen yiwet trasta deg Uɣmis n yimaziɣen n La Dépêche de kabylie. Deg uṭṭun-agi amezwaru, ad naf aṭas n tugniwin n yiɣersiwen akked ttɣawsiwin-nnḍen s yismawen-nsen. Ismawen ara yesnernin amawal n yinelmaden s umata, ladɣa, wid yellan akka deg temdinin neɣ inelmaden iɛerbawalen i d-yettafen ciṭ n uɣilif deg yimeslayen. Yezmer, diɣ, ad tili trasta-agi d alaɣmu ara yesseqdac uselmad deg uɣerbaz imi teɛna amawal aɣurbiz. Ad tt-tafem deg tnedlisin n Tizi Uzzu, s wazal n 100 idinaren.

H. M.