Lwilaya n Tizi Wezzu d tin i yessawḍen ad tesnerni leḥsab n yimerriyen i d-iqesden tiftisin-is deg tallit n unebdu. S wakka yewweḍ leḥsab deg umezwaru n waggur n yunyu ɣer taggara n waggur n yulyu ɣer wazal n 2 yimelyan i yerzan ɣer teftissin n Tigzirt d Azeffun. Amgirred d win meqqren gar leḥsab n useggas-a d win 2008, anda anagar amelyun n yiḥewwasen i d-yerzan ɣer teftisin-agi.
Igemmaḍ-agi igerzen d wid i d-wwin yimḍebbren deg uḥric-agi n tmerrit deg lwilaya n Tizi Wezzu, i iserfen tadrimt ilaqen i usizdeg d tɛessast n 7 teftissin i yellan deg wakal n lwilaya. Ayen yernan laman deg-sent d tirebbuyaɛ n yiɣallen n laman ama d ijadarmiyen ama d srabes n lemḥadra.
Dalila I.