Yal mi ara d-taweḍ taggara n unebdu, lawan ideg tettewway tkermust ; ilmeẓyen n temnaḍt n Tqeryet i d-yezgan gar temdint n Sidi Ɛic d Yeɣẓer Ameqqran, tteksen-d lfakya-ya akken ad tt-zenzen. Azenzi yettili-d ɣef leryuf n ubrid aɣelnaw wis 26 iɣef d-ttεeddayen yimsebriden n yal tamiwin n tmurt. Nεedda-d ɣef ddemma syinna, nwala ilmeẓyen-a sersen-d ibelyan-nsen ɣer tama ubrid, ma d nutni ddurin ɣer tili imi yeḥma lḥal mliḥ deg temnaḍt-a i d-yezgan deg uzaɣar. Ladɣa ɣef sebba n waya i tettemɣay deg-s lfakya-ya n lexla i yettuḥwaǧen azɣal akken ad teww.
Mokrane Chikhi