Taẓuri tesɛa imawlan. Xelwi lwennas, d yiwen si tgejda n tezlit taqbaylit, yesuzer tameslayt, idlesd akked tayri s tuɣac-is . Ilul-d deg 14 mayyu 1950 di Tizi Uzzu, yemmut ass n, 03 tuber 2016. Icennu ssenf n caɛbi. Imeslayen-is, zeddigit , aẓawan d aḥlawan, ma yella d taɣuct, mačči d menwala i izemren ad yecnu am netta. Gar wayen i d-yecna, ad d-nebder : Tuzyint, Allo Azrem, Aɛessas n lebḥer, Ulawen, Zriɣ udmim, Zewǧen, Ay afrux, Lmeḥna, JSK Ifrax, Anda-ten, Serreḥ-iyi Lefraq, Tejra. Yebda cna asmi yesɛa 16 n yiseggasen, s tezlit A sseɛd-iw deg useggas n 1961.
Syin akkin deg 1972, yessekles tasfift tamezwarut iwumi isemma Zewǧen. Akked Ccix El Ḥesnawi, yeejmeɛ-iten-id ṣṣenf n cceɛbi imi akken i tt-qeṣṣiren. Ccix El ḥḤesnawa, yella d ameddakkel n Xelwi Lwennas Akked Maɛtub Lwennas. Yella Xelwi, d amedya i ucennay Maɛtub Lwennas, neɣ ma yella nezmer ad d-nini d gma-s i t-yettwellihen. Llan mqaraben aṭas, tcudd gar-asen tegmat. Amennuɣ-is,yella-d ɣef tmaziɣt u yenna-d ayen akken yettḥulfu ugdud.
Ccix Lwennas akka i yella, yettnaɣ ɣef tutlayt n tmaziɣt imi nettwali-t ittekki deg tikliwin i d-yettilin i lmendad n tutlayt akked yidles . Yecna deg waṭas n tmura. Yal mi ara iruḥ ɣer tmurt tabṛranit, ttqabalen-t-id Lebyl s lferḥ d waṭas n leqder, ttɛuzzunt akk medden. Yewweḍ-d wass-nni amcum 03 deg unbir 2016 anda i yewweḍ leɛfu n Rebbi deg sbiter n Tizi Uzzu . Xas yemmut maca yedder deg wulawen.
SouhilaYamani