Macahu tellemcahu ad tt-yeḍbeε Ṛebbi d asaru. Tettru yiwet n temγart i ccix n taddart, tettcetki-as γef warraw-is: ‘’ A ccix, sεiɣ aqcic d teqcict akked Ṛebbi sebḥanu, ulac acu ten-ixussen, segmi akka zewğen, uγalen d iεdawen, zgan mcuwwalen”. Netta yeqqar-as: “ Ur kem-ḥwağeγ, ur ḥwağeγ dderya-m’’. Nettat teqqar-as: ‘’Wagi d axxam n baba, ad d-aseγ, ad xedmeγ deg-s akken bγiγ’’. Tura nekk ḥesleγ deg-sen. Ccix n taddart seg wakken yefhem yeγra, yeḥsa taluft amek i d-tebda, yenna-as: ‘’A tamγart, dayen akken tzerεed i la d-ttemgared’’.
Tewhem temγart, tenṭeq: ‘’Amek a ccix amaεzuz? Ccix: ‘’Asmi i llan warraw-im d imecṭaḥ, tezgiḍ tesεazaḍ mmi-m γef yelli-m, acku d netta i d aqcic, mmi-m iεeğba-s wakken armi yuγal d ccuq, ma d yelli-m terra ul-is deg ṭṭarf lxiq-is γer daxel, tura mi aqcic yiwwi-d yelli-s n medden tenqes lemḥiba-s deg wul-inem. Yelli-m mi tekcem axxam n madden, tmal tasa-m γer γur-s, nettat teqbel ayen acku aṭas i tesber i meḥyaf n zik d nnuba n ttar, aqcic iwulfen lεez yegumma ad qs-yeḍleq, ayagi i d-ixelqen tṛad gar watmaten. Ihi a tamγart, saεdel gar warrawim, tqaεdeḍ ayen thudeḍ’’.
Yahia Yanes