Accueil Tamazight Tebda tezrigt tis 12 sendiḍelli

TIZI UZZU - Rreḥba Tizi n udlis : Tebda tezrigt tis 12 sendiḍelli

142
- PUBLICITÉ -

Ass-nni n ssebt, 18 deg yennayer 2020, i tebda Rreḥba Tizi n udlis deg tezrigt-is tis 12 deg Uxxam n yidles Mulud Mɛemmeri n temdint n Tizi Uzzu.

- PUBLICITÉ -

Ad tkemmel temlilit-agi alamma d 23 deg waggur ideg-i nella s tmeskaniyin yemgarad, isaragen, asenzi s ubuddu d leqdicat-nniḍen i d-yettwaheggan i lmend n waya.

Rreḥba n Ǧerǧer n udlis n useggas-a, tella-d d tajmilt i umjahed/amyaru Djoudi Attoumi i yellan dɣa deg usiher-a i usenzi s ubuddu n yidlisen-is. Am wakken i d-tella temsikent ɣef tmeddurt-is akked yimuhal-is. Seg tama n yinebgawen n tamiwin-nniḍen n tmurt n Lezzayer, ad naf d lwilaya n Leɣwaṭ i yellan d tinebgit n yiseɣ n tikkelt-a. Yettunefk-as umekkan dɣa weḥd-s i temsikent-is deg Umezgun afsawan Muḥya i d-yezgan daxel n Uxxam n yidles Mulud Mɛemmeri n Tizi Uzzu.

Imi d timlilit yeɛnan adlis, aṭas n tezrigin i d-yerran i teɣri n yimsuddsen i wakken ad ttekkin s yidlisen-nsen ɣef teɣzi n 5 n wussan. Zyada ɣef yisaragen i d-yettuheggan ɣef udlis s umata akked tira, ad yili usiwel n tmucuha, taɣuri n yigerdan, asuneɣ, tira…atg. Am wakken ad tili tegnit akked Adaoun Abdelghani anda ara d-yemmel amek i yezmer yiwen ad yaru amagrad s tmaziɣt, ladɣa imi netta d aneɣmas s tmaziɣt deg Yisebtar n tmaziɣt i yettilin yal letnayen deg uɣmis La Dépêche de Kabylie. Seg yisaragen ɣer usenɛet n yisura d uẓawan, ad tilint diɣ temsizzlin ɣef kra n yisental yerzan idles amaziɣ s umata.

Hocine Moula

- PUBLICITÉ -