Tendeh tmes d tameqqrant ass n, 27 yunyu 2019 leǧwayah n rrebεa n tmeddit, deg yiwen n yiger n Tala Isellan deg taddart n Tqerbust asamar n Tubiret.
D ayen i isekkren tugdi gar wat n taddart, ladɣa imi teqreb yer tnezduɣin. Nnejmaɛen wat taddart wa yessawal i wa, mkul yiwen s wacu i d-yeglai wakken adye ssens times imi lbir yellan dinna ur yeqdiɛ ara. S lǧehd ameqqran d watas n leɛtab i ssawḍen yilmeẓyen n taddart i wakken ad tt-ssensen. Azal n uzgen n ssaɛa umbaɛed, leḥqen-d imsexsiyen n tmes i tt-id-yufan texsi. Ma d ssebba n times-agi, ar tura ur d-tban ara.
Cwi kan anagar n kra n tjur (tizemrin d tselnin) d tuga kan i yerɣan, ur d-telli ara lexsara meqqren. Tawaɣit-a mačči d tamezwarut, imi lawan-agi yeshel maḍi ad teṭṭeef tmes ladɣa deg tuga. Ɣef waya ilaq, useḥbiber d uwelleh, imi aɛeggen yif adawi.
N. T.