Thegga-d tddukkla tadelsant n yimaziɣen n Nante yiwet n timsizzelt gar yisdawanen akked wid yettnadin deg unnar n tesnilest tamaziɣt. Ɣef wanect-a dɣa, i d-texdem, ussan yezrin, tiɣri i wid yebɣan ad tekkin deg temsizzelt-agi. Kra n win ara yimsizwaren, yewwi-d fell-as ad yazen isegzal-is deg tesnilest ɣer tansa n ueqsqamu-agi. Syin akin, ad yili ugraw n yiselmaden ara ifernen 30 n leqdicat ifazen deg-sen. Ɣer taggara, isdawanen ara d-yufraren, ad ruḥen ad qeddmen axeddim-nsen, syin ad yili usqerdec ɣef wanect-nni. I tikkelt tamezwarut ihi ara d-tili temlilit tussnant am tagi di temdint n Nante, di tmurt n Fransa. Ad yeḍru waya, ussan n 6 d 7 cutember 2019. Ad d-nesmekti d akken asiher-agi yettwahegga-d s sɣur Tiddukkla tadelsant n yimaziɣen n Nante s lemɛawna n Yisnidi asnilsan n temdint-agi. Ma d taseqqamut n ufran d uztazal ad ilin deg-s aṭas n yiselmaden ara d-yasen seg London, Maroc, Qatar, Genève, USA…
Ouhila Yamani