Yiwen gar n lesswaq imeqqranen n ugerzu n Tizi-Uzzu, ssuq n dayra n Buɣni i d-yettilin yal ddurt, deg wass n ttlata d lejjemεa seg 8h n tsebḥit ar 13h n uzal, yeggra-d acḥal-aya deg yir addad s ssebba n yiguduyen s trawnaṭ i izelgen udem n temdint-agi n Buɣni. Iguduyen s trawnaṭ, zelgen yakk tiɣmar n ssuk, d laryuf n yiberdan yellan deg tlemmast n temdint-agi, s kra n yiḍuman n yimεelmen n tḥuna n tnezzuyt, yeqqim akken yella. D luluf n yiqentaren n yiḍuman yeḍlan leryuf n ssuq. Imḍebbren teεna tamsalt stehzan aṭas deg taluft yecban tagi, dayen i izemren ad d-yeglu s yimahilen imeqqren ɣef tdawsa n yimdanen. Dɣa ula d imεelmen n tḥuna n tnezzuyt ufan-d aɣbel d wid i iqeṭṭun, imi s imal neqqsen seg ssuq-agi s ssebba n yiguduyen-agi. Tiɣri n yimεelmen n tḥuna d wid yuɣen tannumi qeṭṭun seg ssuq-agi terza asizdeg n tlemmast n temdint-agi yettwazelgen seg yiguduyen d iḍumman deg yal azniq n ssuq, d ta i tifrat n iɣeblan i icudden ɣer lebni n yinidan, i iεeggben aselḥu akken iwata ssuq-agi.
Ali Zalouk