Ha-t-an akk ugdud deg ubrid, la yeqqar i wid iḥekkmen, ilaq ad truḥem, ur aken-neḥwaǧ ara. Yezmer ugdud i yiman-is, zemren yimdanen i yiman-nsen. Settin n yiseggasen, ala d akellex fell-aneɣ, settin n yiseggasen n lbaṭel. Ass-a, nnan-d ala i tis 5, ala i useɣzef n tis 4. Yerna, axir ad ffɣen tura s tewwurt, wala ad ten-yessuffeɣ ugdud, azekka, seg ṭṭaq. Tifra, ha-tt-an gar yimesbaniyen. Tifrat, ad d-tili deg Tegduda tis snat.
