Am yal aseggas, tberreḥ-d tdukkla tadelsant « Tafat » n At Lqasem, taɣiwant n Asi Yucef, ɣef ttiεad wis kṛaḍ n tfeska n tmedyazt « tawwurt n lεenṣeṛ ». Tafaska n useggas-a, ad tili d tajmilt i unaẓuṛ amedyaz Dda Ḥmed Leḥlu fell-as talwit, i d-yefkan aṭaṣ i tmedyazt d tsekla taqbaylit s umata.
Ad d-nesmekti d akken, ttiεad-a ad d-yili s ufus n tallelt n Twilayt n Tizi Uzzu, tanmehla n yidles n Tizi, amezgun amnaḍan, akked tɣiwant n Asi Yucef, war ma nettu tajmeεt n taddart. Ayagi yettwekkid-d d akken anaẓuṛ s umata, ur yetmettat ara, belli d tafekka-s kan i yettruḥun, wama ccan-is d wazal-is ttidiren i lebda.
Dɣa, d wagi i d addad n Dda Ḥmed, xas ma yella yeǧǧa-aɣ, lameεna ayen i aɣ-d-yessegra yif tafekka-nni i d-yettεassa wakal, yugar akkin i yiɣsan-is. Ccil, ur yerwa taqbaylit, ur t-teṛwi nettat daɣen, Dda Ḥmed deg yiseggasen i yedder, yeṣṣaweḍ ad yessider isem-is. Acku, yella d azamul n temmeɣnest d tebɣest, s wayagi ara yidir deg ulawen-nneɣ i lebda. Ma yella ɣef uṣaḍuf n tikkin di temsizzelt-a, imḍebbṛen n tdukkla » Tafat « berrḥen-d d akken, imedyazen yebɣan ad ttekkin, yewwi-d fell-asen ad ceggεen kṛaḍ n yisefra s teqbaylit uqbel n 20 ded yunyu 2019. Ama s ttawil n tansa taliktṛunit ɣer « [email protected] », neɣ s ttawil n Fax ɣer « 026 38 19 77 ». I ugar n yisallen, ssiwlet i wuṭṭun 0780 49 82 40, neɣ 0792 07 52 34.
K. K.