Locif d yiwen n yilemẓi i ilulen deg useggas n 1988 deg taddart n Tizi Ɛammer, taddart n unaẓuri Ḥsisen, deg lɛerc n Bumahni taɣiwant n Draɛ El mizan.
D yiwen n ucennay ilemẓi i iḥemmlen ad yessuzen s tuɣac-is, mbaɛd mi i d-yessufeɣ snat n tesfifin: Yiwet deg useggas n 2014 iwumi yefka azwel « Anda ara kem-afeɣ », tayeḍ deg useggas n 2016 isemma-as « Mi d-mmektaɣ ».
A-t-an ihi yiwi-d amaynut, ddurt iɛeddan, s yiwet n tesfift i izewwel « Tbaɛḍeḍ fell-i ». Album-agi amaynut, yesɛa 7 n tezlatin yemgaraden deg yisental d uẓawan. Ad naf Timetti, ilmeẓyen, tayri d wayen-nniḍen. Deg tezlatin-is, yessexleḍ Locif deg yiɣaladen n uẓawan, garèasenYal n takfarinas, Reggai, Latino, Ccaɛbi, d uẓawan aqbayli. « Tasfift-agi taneggarut tella deg-s tmetti, tmurt, tayri. Tura CD ur ileḥḥu ara imi yettili ɣef Youtube.
Anaẓur ass-a, ur yettwaqadar ara acku ur tettɛawanen ara akken ad yexdem. Amedya. Ad d-ssuffɣeḍ tasfift s wacḥal, syin akin ad asen-tt-suzren deg internet, ad yuɣal baṭel ».
Yamani Souhila