Ass n zzwaǧ, mi ara d-yaweḍ lawan n Usedder n teslit, i yellan d ansay agejdan deg tmeɣriwin n uɣref azzayri, yetthettim i teslit ad tesken iman-is deg tlemmast n yinebgawen mi ara tels tiqendurin timensayin i d- txaḍ i lmend n waya. Yal tislit tettnadi amek ara tili tecbeḥ, amek ara d-tsenɛet iman-is sdat yimawlan n yisli akked twacult-is s llebsa n tqendurin timensayin, i d-yemmalen ansayen akked yidles n temnaḍt iseg i d-tekka. Yal tikkelt s wacu n tqendurt swayes ara d-teffeɣ, yal taqendurt acu n uzamul i tesɛa neɣ acu n temnaḍt i d-teskan.
Ayen i d-yufranen ussan-a ineggura deg lwilaya n Mila, d taqendurt taqbaylit, s yiniten-is (tiɣmiwin) i d-yettmecbarriqen, u s leṣnaf-is yemxallafen, i la ikeccem cwiṭ cwiṭ deg yiselsa ttawint waṭas teslatin ass n tiddin, s tmerna n tqendurt-is i tennum. Ɛlaḥsab n Amina Abderrezak, d taxeggaḍt deg Mila, tenna-d belli : “Taqendurt n leqbayel, tuɣal di tallitagi taneggarut, d yiwen n uselsu (lebsa) «imezgi» deg yiselsa i tettawi teslit deg Milaˮ.
Terna tenna-d : “Simmal yettnerni usuter n tqendyar n leqbayel n lkettan n bliluḥ i ttebrudin s lxiḍ n ureɣ, ladɣa tid n ssenf « ukaraku » akked « uqefḍan »ˮ.
Gh. A.