Azal n 500 twaculin i izedɣen deg yixxamen n tnemhalt n leqraya iwumi neqqar les logements de function, deg tamiwin yemgarraden n lwilaya n Tizi Wezzu, ugint ad ffɣent seg yixxamen-nsent ɣas akken ur sɛint ara azref ad qqiment imi kfant lxedma deg uḥric n leqraya.
Tiwaculin-a, d tid iḍelben ixxamen-nniḍen imi ur sɛint ara aniɣer ara ruḥant. Si tama-s, anemhal n leqraya yenna-d ad yesxdem lqanun ilmend n usuffeɣ n twaculin-agi imi ur sɛint ara azeref ad qqiment deg ixamen n tnemhalt n leqraya ara yuɣalen i yixeddamen n uḥric-a. Liḥala-ya d tin yellan deg tɣiwanin akk n lwilaya n Tizi Wezzu, deg yiswiren yemgarraden ama d aɣerbaz amenzu ama d alemmas neɣ d tisnawiyin. Ad d-nerr lwelha mačči ala aḥric n leqraya i icetkin s uẓdam ɣef tmezduɣin n ddula imi iḥricen-nniḍen daɣen ttidiren deg liḥalla-ya. Wa meɛdur wa d lḥeqq-is.
Dalila I.