Mbeɛd tullya i d-yellan ass-nni n acer, 06 tubeṛ yezrin, n ulemmas n yimaɛḍar i d-yezgan deg wadag iwumi qqaren Agaraj deg tɣiwant n Ssuq El Tenayen. Thegga-d tddukkla n yimawlan n yimaɛḍar Itran, yiwet n tmeɣra i lfayda n yimaɛḍar n tlata n tɣiwanin (Mɛatqa, Souk El Tènine, Tirmitin), ass-nni n aram, 15 seg tubeṛ, deg ulemmas-a dɣa, s tallelt n yiwet n temɣart iwumi qqaren Nna Cabḥa, i d-yefkan tadrimt iwatan i uheggi n tmeɣra-agi.
Ḥeḍren deg-s yimawlan n yimaɛḍar, iselmaden n ulemmas, imḍebbren n tɣiwant n Ssuq El Tnayen, ɣef uqerru-nsen, Mass Kharmous Slimane, aselway n Useqqamu aɣerfan n tɣiwant, iɛeggalen n tddukkla , Nna Cabḥa i d-yefkan afud i tigawt-agi. Aṭas n leqdicat i d-yellan i lfayda n yimaɛḍar, am lwaɛda, tuqqna n lḥenni d ccna i tukksa n lxiq. Ula d aselway n tddukkla , Mass Ḥamid Babou, ibeggen-d lferḥ-is s tigawt-agi i yekksen ciṭ n lxiɣ ɣef yimaɛḍar. Yerra tajmilt i Nna Cabḥa i d-yefkan afus n tallelt i tddukkla, imḍebbren n tɣiwant d iselmaden n ulemmas.
Ali Zalouk