Deg yiwet n teswiεt ur nessefraḥ ara yakk iɣer yessaweḍ waddad n uḥric n usiweḍ, deg tɣiwant n Mεatqa, yerkeb yimawlan n ttawilat n usiweḍ lɣiḍ meqqren. Deg ddurt iεeddan, nejjmaεen wid yettawin gar tɣiwant n Mεatqa d tɣiwant n Sukk El Tenin akked yimeḍebber amezwaru n dayra n Mεatqa i tifrat n yiɣeblan n usiweḍ i ten-iceɣben, ladɣa aɣbel n yimεelmen n ttawilat n usiweḍ ur nesεi ara azref ad siwḍen imdanen gar snat n tɣiwanin-agi yettemḥezwaren yimsawḍen yesɛan azref n usiweḍ.
Ad naf daɣen aɣbel n umḥezwar yettilin gar yimεelmen n ttawilat n usiweḍ yemgaraden, ama d wid yettawin ɣer ugerzu n Tizi Uzzu, neɣ ɣer tmḍiqt n Tizi LIlen, anda suturen i tifrat n ugur-agi.Yiwen n uɣbel-nniḍen i d-yeglan s trawnaṭ n uḥric n usiweḍ, d imeḍqan n uneḥbus n ttawilat, ladɣa faluft deg uneḥbus n yimawlan n ttawilat deg tlemmast n tɣiwant n Mεatqa, deg umḍiq iwumi qqaren Saεid Uεacur, deg ubrid n ugerzu wis 147, anda i d-xelqen lḥers ɣef yimsebriden n ubrid-agi n ugerzu. Ayen iceɣben, daɣen, aḥric-agi n usiweḍ deg tɣiwan, d imawlan n ttawilat n usiweḍ ur nesεi ara azref ad ssiwḍen imdanen ɣer tudrin yemgaraden. Ɣef waya i ssuturen seg wid teɛna temsalt aɛiwed n tmuɣli deg yilugan n uḥric-agi n usiweḍ.
Ali Zalouk