Azul a Smaɛil, azul a Nour ! Nek d yiwen seg yibibiḍen n Tmurt. Zriɣ ur d iyi-tesinem ara. Sureft-iyi, ula d nek alarmi d ddurt-agi i kun-sneɣ. Maɛna mačči d la faute-iw : jami mmeslayen-d fell-awen d tmital-nnwen les adultes-neɣ.
Ih, lhan-d d usifi n waḍu di tɣerbalin akked “usendu n waman” deg uyeddid, lhan-d d wesbeɛbeɛ ɣef tkursit n lamiri, lhan-d d les embuscades kabylo-kabyles ɣef “snat n tɣaltin d wezgin”… Lḥasun mačči d yiwet n la coquetterie ur nemɛin i wumi d-stufan.
Mais bon, anefet-asen kan, ad yuɣal ad ten-id-yer lḥiḍ. Ass-nni ad asen-tini teqbaylit : “laṣel-ik i leqef-ik, win tebɣiḍ yugi-k, mmel-iyi-d wik-ilan ?”
Heureusement telliḍ a Nour, telliḍ a Smaɛil. D tezdeg nnwen d tin n tmital nnwen yettmuzuɣen s tsusmi, di tsusmi, i d-yettaran rruḥ i teqbaylit, wamag acḥal n tikkal i truḥ ad texsi entre deux scrutins et quatre cents cinquante meetings, yettgalan “ma ulac tamaziɣt, ulac..”.
Ih, a les anciens (akka i sliɣ i kra n yimeddukal nnwen ssawalen-awen), “jmaɛliman” ur ɛḍilen ara. Maɛna, ad tɛeddi ddqiqa-nni ideg ḥemmun idamen, ttun kulec. Pluuuf, am zun ur prumin !
Mi d-leḥqent daɣen tsendyaq-nni n lbuṭ, ad begsen i tmaziɣt-nni s tmedyazt de derrière les pupitres. Ad galen daɣen, wa ad ḥenten, mid-iban lmir deg-sen. décidément ugin ad imɣuren les adultes-agi!
Ḥun a Rebbi telliḍ a Smaɛil, telliḍ a Nour.Tɛemrem-tt deg umur n wid yettgallan ḥenten.
Ǧiɣ-kun di laman gar yetran i kun-yezwaran s anda akka tellam!
Muṭṭiḍ, Mectiṭuḥ, abibiḍ n Teqrbuzt, Lina, Aksil d yibibiḍen n taddart ssawaden-awen slam u qaren-awen : nettuxu imi seg yiwen uẓar i d-ncetel.
T.Ould amar