Amyurar i yettwesnen deg ddabex uḍar, n terbaɛt taɣelnawt n tmurt n Fṛansa, akked d terbaɛt « Bayern Munich » n tmurt n Lalman, « Franck Ribéry » d tmeṭṭut-is « Wahiba » i yellan d tazzayrit di laṣel, yerna ɣer ɣuṛ-sen ussan-agi uqcic amenzu. Ayen yeṭṭfen lwelha deg wannect-a, d isem i mudden i ubaḥan-agi-nsen, ladɣa deg tallit-a. Yuɣ lḥal « Ribéry Wahiba », d urgaz-is « Franck » i yuɣalen d ineslem deg useggas-nni n 2006, sɛan-d yakan snat n teqcicin, temenzut semman-as « Hiziya » tesɛa 5 n yiseggasen di leɛmeṛ-is, tayeḍ 3 n yiseggasen di leɛmeṛ-is semman-as « Shahinez », ma d amecṭuḥ-a aneggaru semman-as « Seïf el Islam » ( s tutlayt-nneɣ : tajenwit m snat n tuccar n lislam, i d anamek-is), am mmi-s n « Maamer el Gueddafi », i usmekti « Seïf el Islam » alibi yettuṛecceḥ ad yeṭṭef amkan n baba-s, i lukan ur as-ffiɣent ara tirga mxalfa. Wissen kan ɣer zdat, « Seïf el Islam » aṛumi ma ad yeṭṭef amkan n baba-s, i yellan d tigejdit deg terbaɛt taɣelnawt n tmurt n Fṛansa (tarbaɛt n yiyuẓaḍ, akken i as-qqaṛen), neɣ ad t-teḥbes tesqamut n tfidiṛalit tagreɣlant n ddabex uḍar (FIFA),… neɣ ahat maḍi, d iɣallen n tuddsa n waɣan (traité) n waṭluntik ugafa (OTAN), ara d-yegren iman-nsen.
Farid Lahouari