Awal yettazzalen deg yimmi n lɣaci deg ussan-a yezrin ɣef rwaḥ n uselway n tiɣiwant n Timizart, yedḥa-d d tidet imi anaggaru-agi isers nnzal ɣer lmaεun ɣer tagara !Mass Meḥala Lunes i d-ibadden s daw tacḍaḍt n FFS,yefra-t d ray-is, yeǧǧa amdiq i wiyaḍ. Sebba?
ɣef akken i d-yenna netta iḥulfa s yiman-is yeεya ur yezmir-ara a d ibib taεkemt nnig ayen-nni. Maca di tilawt medden éran yakk belli akabar n FFS yeksa-s laεnaya, imi Mass Meḥala yeffeɣ berra n unar n tesrtit n ukabar-agi.
D acu yezmer ad yinni umdan ɣef tselwit n Mas Meḥala yeṭṭfen ugar n rebεa issaggasen? Aṭas n lebɣi i tazwara maεna drus n ray. Mi ara n muqqel kan ɣer liḥala deg yella Suq n Lḥedd anda i tezga tzeqqa n tɣiwant,ulayɣer yakk ma nnuda aṭas akken aɣ d-iban belli ur yelli kra i-ibdelan ɣef imezdaɣ n tɣiwant-a. Iberdan qqrib I merra hudden, itrutwaren xas inni ulac, ixmir yezga ka tekka cetwa, trisiti n ubrid ar ass-a ur tecεil, sya d sya aman ttfagiḍen tirni. Lḥasun Suq Lḥedd yesbur aεdil n lḥif! Am wakken i-d-aɣ d yenna yiwen umeɣnas n ukabar n FFS : » mačči kkan win id yennan ḥamlaɣ akabar, dɣa iwulem ad yilli d lmir. Nnig leḥmala n ukabar, ilaq tazmert akked d tasa. Ilaq ad yilli yumen seg ul-is s tikta ɣef acu id ibedd. Ilaq ad yilli d bab n wuzal i-izemren ad iseddu tikta n ukabar-ines. Akka i d-ihdumen n lemyur n tmurt-nneɣ. Mi feclen ad- ak innin d chef n dayra i- d -aɣ yezgan d uggur, zun akken ur érin-ara belli akka i teddun lumur di tmurt-a! L amaεni fad n leḥkem yesderɣil, yessazzel ula d imɣaren! Aselway n tɣiwant n Timizart hudden wacaren-is, amek ara teḍru d win ara d yassen deg ubdil-is? La nettraǧǧu lfutuḥ!, i-d-aɣ d yenna yiwen umzadɣ n tiṭwant-a!
Ait Slimane Hamid