Yal assegas ttilin-t-d temeɣriwin n yedles deg tamiwin yemexalafen n lewilaya n Tizi Wezzu. Tid mucaɛnen d tin n taleɣt deg Meɛtqa, tin n lefeṭta deg At Yanni, tin n tezerbit deg At Hicem. Timeɣriwin-agi, ilemend n lefayedda i-d-ttawint i tdamsa d yedles ttnernayent seg useggas ɣer wayaḍ deg yal tama deg tmurt n leqbayal. Aseggas yezrin, d tameɣra n uzemmur, seksu, lexrif i-d yernan i waken ad fkent azal ileɣella n temurt neɣ imi nutenti d azamul n leqbayel. Ayagi d ayen yeǧan imeḍebren n wilaya ad heggin tadrimt n wazal n 3 imelyunen n dinar i lemend n uheggi n temeɣriwin n yedles, s wazal n 50 imeleyunen n sentim i yal yiwet, tameɣra n talext, tin n lefeṭta, tin n tezerbit, tin n seksu, tin n lexrif d tin n tefrizt i-d yettilin yal aseggas deg Larbɛa Nat Iraten. Ɣas aken tadrimt-agi d tin meẓẓiyen maca d afud i tedukliwin tidelsanin i-d yetteheggin timeɣriwin-agi, imi nutenti ttawint-d les sponsors u senuzunt leɣella-nsent deg temeɣra.
Dalila I.