Tama n’At Ɛebbas yesduklen 3 n t’ɣiwanin: Iɣil Ɛli, At Ṛzin d Buǧlil, tenṭaṛ deg yideflawen akk d-yigeffuṛen nni iɛedan. Ibaṛdan ɣelqen, saxen, uṛ ṣliḥen aṛa i tenhaṛt. Llan kṛa uɣalen as t-iniḍ ttamalqa neɣ d-issafen. Aman tt-nejmaɛen am timedawin deg ibeṛdan. Ma nezmaṛ ad nebdaṛ kṛa n-ibeṛdan: Abṛid aɣelnaw wis 106, i gezmen snat n t’ɣiwanin: At Ṛẓin d Iɣil Ɛli. Abṛid-agi yettwaɣ ussan-a, acku aṭaṣ n yimukan anda id d-ɣlin yiẓṛa. Llan daɣen imukan saxen, ttuɣelqen ɣef tikli n ṭunubilat. Yella yiwen umedya anda iẓṛa ɣellin-d maḥsub yal ass ɣeṛ webrid : Tagi d ttadaṛt n El Qelɛa n’At Ɛebbas id d-yezgan s kṛa n 25 ikilumiṛen ɣef uqeṛṛu n t’ɣiwan Iɣil Ɛli. Maḥsub segmi id t-tekcem tagṛest abṛid-agi d netta d laɣliq fidṛa n-uɣelluy n yiẓṛa « iwaɣzniwen » ! Imezdaɣ n taddaṛt-agi am wid yettumeṭlen dṛen ɣeṛ daxel n taddaṛt nsen. Uṛ tt-efɣen, uṛ kečmen! Ɛemi Saɛid, d yiwen umḍebeṛ aqbuṛ deg useqamu aɣeṛfan n t’ɣiwant n Iɣil Ɛli geṛ 2007 d 2012, yeṛfan aṭaṣ ɣef yiṛ liḥala-agi. » Yiwen lḥif ɣef leɣliq n webṛid…! Maḥsub kullas ɣellin-d yiẓṛa ɣeṛ webṛid-agi n El Qelɛa. Aqlaɣ n ttwaḥbes deg taddaṛt nneɣ. Awah a yillu aɣ bedlen azarig (Le tracé) n webṛid-agi s kṛa n-usenfaṛ amaynut! » akka i yessaṛam Ɛemmi Saɛid. Abṛid nniḍen yenṭaṛen daɣen d win n t’wilayt wis 42 yettɛeddin ɣef wakal n t’ɣiwant n Buǧlil. Abṛid-agi yettuɣal as t-iniḍ d-assif asma aṛ ay yekkat ugeffuṛ. Aluḍ d waman tt-nejmaɛen yeṛna ssaɛṛaqen tikli i ṭunubilat. Tigi bessif i teddun-t s t’jeṛṛayin nsen-t deg webṛid-agi yahṛuṛan. Iceqqeq akk ddin qessam-is sya wesya ! Acku takubanit it-ixedmen uṛ texdim aṛa tiṛegwa (caniγeaux) akken ad fɣen waman n yigeffuṛen. Wigi tt-efflen tt-feggiḍen deg webṛid. Aṭaṣ n widak yesɛan ikamyunen neɣ tunubilat tt-cetkin-d ɣef webṛid-agi yecban assif. « I wagi d-abṛid tura ? Ixumjan, iceqqiqen, aluḍ,…mači dayen ad nebdeṛ ! » akka i yeṛfa yiwen n bab ukamyun yessiwiḍen idɣaɣen yedzen (graγier). D-acu kan, fɣen-d kṛa n yissallen id yeqaṛen belli abṛid-agi n t’wilayt wis 42 ad yettwaxdem, maca kṛa n yikilumiṭṛen kan. Ahat 3 kan deg 15 n yikilumṭṛen, yaɛni anda yettwaɣ aṭaṣ!
Syphax Y