Tagara n ddurt-agi yezrin, ass n 13 unbir γef 10h n tsebḥit, asqamu aγerfan n tγiwant n Wizgan, sudsen-d yiwet n temlilit akk d wamyaru mass Kamal Buεmara deg wexxam n yedles Ferrat Remdhan i d-yezgan i tlemmast n temdint n Wizgan.
Deg-usarag-agi, awal yezzi γef wedlis ines anegaru i d-yessufeγ ussan-agi yezrin » Asegzawal n teqbaylit s teqbaylit » s daww usentel Issin deg tezrigin n Odyssée i yentan i temdint n Tizi-Wezzu. Ihi asegzawal-a deg-s 6000 tewwura. Dayen id-ernan afud d wazal i tutlayt n taqbaylit s teqbaylit.
Syen mass Kamel Buεmara, yemeslay-d γef wemgared yellan ger umawal d usegzawal. syen awal yezzi γef wawal, yesefhem-d amek i nezmer ad-nawwi awal i tutlayin niḍen, neγ amek i nezmer ad-nesnulfu awal amaynut, amek ar ad-yilli leqdic-ines.
Syen yella-d uzenzu n ibuddan »vente dedicace » akk d wemyaru mass Kamal Buεmara. afud anezmar i Kamal ilmend n leqdic-ines i ubaγur n tmeslayt-nneγ.
Islam Bessaci