Si gar 6 700 tzeɣwa n usenzi i d-tesfayda twilayt n Tizi-Wezzu, ala 461 deg-sent i yettunefken i yilmeẓyen, iwumi i yettuhegga bdemma usenfar-agi n usewjed n 100 tzeɣwa n usenzi di yal taɣiwant. Ilmend n usenfar-agi, ad d-nesmekti belli azal n 67 tɣiwanin i yellan deg twilayt n Tizi-Wezzu, yal yiwet deg-sent tesfayed-d s 100 tzeɣwa ara yettunefken i yilmeẓyen ur nxeddem ara deg useggas n 2005. Ad nerr lwelha d akken azal n 1 261 tzeɣwa-agi kfan deg-sent lecɣal, mazal yetturaju ufraq-nsent. Ayagi deg lawan ideg 4 180 tiyaḍ yettili-d usewjed-nsent deg tamiwin yemxallafen anida yetturaju ad kfun lecɣal iwakken ad yili ufraq-nsent deg tazwara n useggas 2010. Deg kra lawan, lecɣal ur bdin ara ɣef wuguren yemgaraden i d-ttemlilen gar-asen, lexsas n umkan n lebni, ssuma n yisufar n lebni… Si tama-nniḍen, ad nerr lwelha belli taɣiwant n Lwed-Ɛissi d nettat i d tamezwarut i iselken lecɣal n uheggi n 100 tzeɣwa n usenzi deg twilayt n Tizi-Wezzu.
Dalila I.