I tikkelt nniḍen, Axxam n Yemγaren d Yimeεder n Tizi-Wezzu i d-yezgan deg uγaram ametti (Cité Sociale) n temnaḍt n Buxalfa, suddsen-d ddurt-agi yezrin, s tallat n tamehla iweszla ametti (Direction des affaires sociales) n Tizi-Wezzu akk d yetri azeggaγ azzayri n temnaḍt n Mekla, yiwet n tejmilt i yemγaren d yimeεdar s teγzi n ssin n wussan, ussan n 26/27 yebrir 2011 i lmend n wass aγelnaw n yemγaren.
Ass n 26 yebrir tella-d yiwet n tmeγra yelhan aṭas γef demma n yemγaren d yimeεdar, anda yecna ucennay Taleb Tahar akk d ucennay Zerouki, syen tella-d tikci n warazen i yemγaren d yimeεdar yellan ddin-a.
Ma yella d-ass wis ssin, tella-d yiwet n tufγa n umerraḥ n yemγaren d kra n yiεeggalen n FPAH n Buxalfa γer temnaḍt n Sidi Moussa i Lzzayer tamanaγt. Ma yella d wid yeqqimen deg uγaram ametti, fursen dagnitt akken iwata lḥal, imi ahil n leqdic ikemmel, anda i d-tella cnna, taceqquft n umezgun n wexxam n yilmeẓyen n temnaḍt n Mekla, anecraḥ akk d ccḍaḥ tikci n warazen i yemγaren d yimeεdar. Ula d anemhal n tamehla iweszla ametti (DAS),Mass Tiγa, yussa-d γer tejmilt-agi.
Ihi Tameγra tεedda itegnatin yelha nezzah, imγaren imeεdar tuγal-asen tejmilt akken iwata acku uklalen ayen yugaren-aya. Tameγra tameggazt.
Islam Bessaci