Ddurt-a,tezzi tmuɣli n leǧnas merra ɣer temdint n copenhague n Denmark.Ad mlilen dinna yimceyɛen n 192 tmura.Ad mmeslayen ɣef wamek ara d-yili useḥbiber ɣef twennaṭ sya d afella.Ad muqlen stelqey ɣer wayen yeǧǧan tiseddarin n uẓɣal ttalint seg useggas ɣer wayeḍ,;id-igellun s lḥuman n lqaɛa,S sebba n le co2 i d-sufuɣen lewzayen n tmura tisnayɛiyin.Ma neddem Marikan d cinwa akked lhend ad naf ugar d n 57’/. n yirragen tekken-d sɣur-sen. Ma llant temliliyin –nni, i d-yellan yakan ur d-begnent ara deg-sent tmura tisnaɛiyin kra n lebɣi ɣef usenqes di co2.Tin n tikelt-a di copenhagen,tcud s waṭas ɣur-s lwelha n tdukliwin yettnaɣen ɣef useḥbiber ɣef twennaṭ,; yessaramen ad d-teglu s kra n usirem.Tura iban-d Unbeddel di liḥala n tegnewt d amdan id sebbas.Segmi dayen ixeddem deg twennaṭ i d-yessawḍen tiwuɣa i tettidir,ass-a, talsa am yiḥumal n waman,d yiɣuraren di tefriqt akked walluy n uswir n yilel deg Bingladic d filipin. Ma ikemmel akka walluy n tfesniwin n uẓɣal,ad d-fessin yidurar n ugris deg ugafa n umaḍal ;aṭas n leṣnaf n yiɣersiwen d yimɣan ara inegggren.Wissen tameddit sani ?
Brahim Benhamouche