Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Buɛfif: Aniwa?
Amerɣud: Aniwa!?Bu Ferḍas.
Buɛfif: Aniwa Bu Ferḍas?
Amerɣud: D taqriḥt-ik, ma d baba yemmut ma d baba-k akken i ak-yehwa xdem-as.
Buɛfif: Aniwa i d Bu Ferḍas?
Amerɣud: Ur tessineḍ ara Bu Ferḍas?
Buɛfif: Ur tessineɣ ara?
Amerɣud: D tidet i d-teqqared akka?
Buɛfif: Aw! D akellex i ttkellixeɣ fell-ak!
Amerɣud: A d wa i yebɣan ad awen-yeg akken iga
wuccen i watmaten-is.Tinna akken n wuccen-nni imi Yettwakkes ujelḥum anida yerra iḍefer-it uḍad, iban. twalaḍ d acu yexdem? Iruḥ ijemɛ d merra atmaten-is (uccanen) yeqqen wa ɣer wa deg jelḥum yendeh: ahyaw ma yella kra deg-wen ataya bab n yiger.Uccanen di tugdi-nni i ideg llan akken, yeffeɣiten leɛqel, yal yiwen akken ijebbed ad yessenser, mmseɣrasen tijelḥumin seg wassen yuɣal wuccen ur yettwaɛqal ara, ih ! Am netta am wiyaḍ yerẓa aḍad it yeṭṭafaren s wayetma-s ula d wa, akka i yebɣa ad aɣ yexdem.
Buɛfif: Awah! Wagi mačči d ṛṛay!
Amerɣud: D rray neɣ mačči d ṛṛay, akken twalaḍ yeffeɣ fella-k xdem kra kan slan iy Imeğğiden kkren sya ɣer da ad tekker tεeggiṭ. atenaya keččmen-d yiwen yiwen . Kra n win yenɣan baba-s ad yawi tacacit-is deg ufus-is ad iteddu ad yesnektay. Buɛfif yuzzel s axxam iger-as irebbi i baba-as. Deg uxxam
Asekkir 2
– Asayes 1
Amɣar – Faḍma
Taqcict t ttenneḍ, tettcewwiq amɣar yejba-d, tessers-d ajlid akken ad yeqqim akken kan i yessers iman-is ɣef ujlid imeğğid yekker. Amɣar d teqcict wehmen, taqcict tger ɣer beṛṛa Buɛfif yejba-d semlalen ɣer umnar
Asayes 2
Amɣar – Faḍma – Buεfif
Amɣar: D acu-t leɛyaḍ-a i yettenkaren akka di tegnit ɣer tayeḍ?
Buɛfif: Kra da akk d tilufa n Bu Ferḍas (am win i d-
yemmektan) ih! Ugellid
Amɣar: Amek? Bu Ferḍas? (Am win iwehmen
anisa i as-d yekka wawal-a) ɣur-k anida i d-
tettɛawadeḍ i umeslay! Amek agellid yuɣal d Bu Ferḍas, ala ass-a! Atan diɣ! Ad neɣleḍ fellaɣ lbeqq, s anisa i d ak-d-yekka wawal-a?
Buɛfif: D amerɣud
Amɣar: Yella win yellan neɣ iman-nwen kan?
Buɛfif: Iman-nneɣ
Amɣar: Uk! ruḥ ihi tselkem, d acu yuɣen Agellid?
Buɛfif: Yenna-d kra n umɣar yellan ad yemmet.
Faḍma: Yah! Yessaweḍ akk ɣer wannect-a! Awer d
Yemɣi uzeğğig ɣef uẓekk-as.
Amɣar: I tudert am ta d tudert?
Faḍma: Ah! D acu k-ixussen aqel-ak teččiḍ, teswiḍ,
Zeddigeḍ, ma d zwağ yak d kečč i yugin.
Amɣar: Ih! Limmer i d-iyi-ḥemmel Rebbi tilli i d-iyi zwer zdat-s.
Faḍma: Atan waqila …
Amɣar: Ala, ala, ayen nniḍen akk ulac-it, ula d nekk ala kem, d wa i sɛiɣ.
Buɛfif: Ar tura ur fhimeɣ kra!
Amɣar: Sel-iyi-d, ma teğğiḍ-iyi ad iyi-tiḥwiğeḍ, ma
Tenɣiḍ-iyi ad tirtiḥeḍ
Buɛfif: (i faḍma) i tura amek ara nexdem?
Faḍma: Wagi d cceɣl-inu, lethi kan d yiman-k,
Teṭṭfeḍ iles-ik
Buɛfif: Amek?
Faḍma: Ih! tella tesraft.
Buɛfif: Aziɣen tsemreḍ i rebɛa (Teddem amɣar
teffer-it)
Asekkir 3
– Asayes 1
Deg ugni
Tezzi-d ddurt yendeh uberreḥ, At taddart fɣen-d akken llan ticuca deg yifassen-nsen, ula d Buɛfif yewwi-d tacacit.yessaweḍ-d ugellid, lɣaci ttemwexxaren yuli ɣef udekkan n tejmaɛt yettmeslay. At taddart ssersen i yiqerray-nsen ḥeznen wa yesnektay wa iseffeḍ imeṭṭawen yeɣli-d wanza
Agellid: ẓriɣ, ẓriɣ d ayen qerriḥen, ẓriɣ d ayen i
Ijerḥen i tgam ass-a, ula d nekk ḥulfaɣ-as, ula d nekk ḥusseɣ-as, ayen ara ken-yaɣen ula d nekk yuɣ-iyi, ayen i ken-yerzan ula d nekk ass-a yerza-iyi. Di tama-nniḍen, tesferḥem-iyi, umneɣq yes-wen akka i tumnem yes-i. Ass-a tefkam-iyi-d yiwen wudem d amynut, tefkam-iyi-d yiwet n tmuɣli d tamaynut, tamuɣli swayes yebda yettban-d uzekka, d tamuɣli swayes nḍegger iḍelli, nuli-d di lbir n yiḍelli.
Tura akka tellam yid-i ad iliɣ yidwen.
Ad nger tamuɣli ɣer uzekka, azekka ih!Amek! Tazwara ad iyi-d-terrem ɣef usteqsi ara wen-d fkeɣ win i t-id-yufan ad t-rreɣ d lewzir. (Tassusmi) mmeslay a win yezdeɣ wawal
Lewzir: Ala wen-yeqqar ugellid Aɛziz ameɛzuzan,
d acu yellan aṭas di ddunit: D irgazen neɣ d
tilawin? D ussan neɣ d uḍan? D timẓin neɣ d irden? Ar Ddurt i d-iteddun.
Agraw yefra At taddart yal wa s anisa yekka ala Amerɣud, Buɛfif, Lemṭenṭen
Asayes 2
Amerɣud-Buɛfif-Lemṭenṭen
Amerɣud: Mreḥba s tazzla tajḍt, Nugad ɣef tikli n
tsekkurt atan waqila ad aɣ-teɛreq ula d tikli n
Tyaziṭ
Buɛfif: Wehmeɣ! D acu-t wemdan am wa?
Lemṭenṭen: A yebɣa ad iẓer ma d iɣyal neɣ d
izgaren, neɣ d tiyuzaḍ, a yettnadi ma yella wayen yefren ur d iban ara mazal ar tura ur tiqqid ara
Amerɣud: Lemṭenṭen d lemṭenṭen!
Buɛfif: Deg-k kra ma yellan a azger, ay aɣyul…
Lemṭenṭen: Ah! D win rnan medden i rniɣ zdat-s
tugarem ulli, ma ɣer ɣur-i sidi yuli.
Amerɣud: Tixer Kan tixer awer d aɣ-d yeḥqer ala
Rebbi wama amdan, beẓẓeɛ lullu.
Buɛfif: Amzun ala netta i yessnen?
Lemṭenṭen: D kečč i yessnen ihi! Limer ur Yessin
ara, d acu ara tyerren d agellid a d Agellid …ih
Amerɣud: (s lekyasa, yebɣa at-id i sseɣli) Ah! Tura
win yeẓran imani-s yessen ad yawi tiririt
Buɛfif: (s tfenṭazit) I ma wwiɣ-d tiririt, d acu ara-
t-ini-m?
Lemṭenṭen: Ma terriḍ-d tenziḍ, ma teqqimeḍ tenziḍ.
Meqqar qqim kan am wiyiḍ igerrez akka telliḍ.
Akli Tmazirt