Ugur n wakal n lebni n yisenfaren i lfayda n lɛamma, d win i d-yettuɣalen yal tikelt deg twilayt n Tizi-Wezzu anida akal yesɛa azal meqqren. S wakka aṭas n yisenfaren yella-d uḥbas-nsen ɣas akken d wid ara d-yawin anegmu. Ayagi seg yimi imezdaɣ rran-t d tamsalt n nnif ɣas akken ddula d tin iwejden ad txelles akal i yimawlan-is s ssuma-s deg ssuq. Tikelt-agi, d taɣiwant n At Ɛisi deg dayra n At Wagnun ideg tḥuzan. Asenfar n lebni n tesnawit i ssuturen yimezdaɣ seg kra yiseggasen aya, deg umkan iwumi qqaren Umlil, d win yettwaḥebsen, imi tekker tkebbanit yettuskelfen s lebni-ines ad tebdu lecɣal. D yiwen seg yimezdaɣ n temnadt-agi i d-yeqqaren belli akal-agi d ayla-s, ɣas akken wiyaḍ qqaren belli d win n ddula. Ad nerr lwelha belli asenfar-agi d win i d- yeffɣen deg useggas n 2005, yerna mazal ur iban ara i melmi ara d-yuɣal d tilawt deg tɣiwant-agi anida isnawiyen, gar-asen wid ileḥhun azal n 17 km akken ad ruḥen ɣer tesnawit n Tqubεin.
Dalila I.