Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
Nuja ideflawen tenna-yas i wul-is, tameṭṭut lεali am tagi, ttifxir ad tt-id-skecmeγ kan s axxam, ad iyi-yexdem lεib ufus-iw, ur d iyi-txeddem ara nettat.
Teldi-yas-d tawwurt, tuγ-d fell-as yiwet n tesfift.
“Ay a yelli ḥeppi», i d as-tenna temγart, yya-d a yelli ad am-mleγ amek beggsent teqbayliyin n tidet s tesfifin, aẓ-d γur-i!
Akken tt-id-tḥebba akken yessefk,Tẓemmeḍ, tεeṣṣeṛ di tεebbuṭ n teqcict, almi tesred, teṣre&epsilon,; seg yimi-s ttefγent-d tkuffa, terra deg-s nnefs, teγli d tinnegnit, teẓẓel am ulaxert di tγerγert.
« Almi d tagnit n tura,d kemm i yellan akk d taḥuskant ger tilawinffeẓ tura iles-im imi tebγiḍ akka,teṛwuḍ ccbaḥa! », i d as-tenna temγart, tessemneε sakin iḍarren-is s tazzla, tuγal s axxam.
Zzher n Nuja ideflawen meqqer, acku imiren kan i d-bernen yeymuyuden s axxam.
Akken ṭṭṛeḍqent wallen fell-as, amzun yeffeγ-iten leεqel akken ma llan, si lfeqεa.
Tban-as-d am wakken ters-as i tmettant deg irebbi-s, segmi teẓẓel kan, ur tettemḥiḥid ara yakk.
Akken gren tamawt i tesfifit-nni iẓemḍen taεebbuṭ n teqcict, refden-tt id, fsin-as-d din din tuqqna-nni, yuγal yebda nnefs yettali yettṣubbu deg-s, dγa lhan-d yid-s akken yessefk, wwin-as-tt-id kan ddac ddac, almi tt-id-yuγal rruḥ akken iwata.
Yettkemmil…