Ass n ttlata 04/10/2011 ɣef ttmanya n ssbeḥ, nnejmaɛen azal n 80 n yiselmaden n tutlayt n tmaziɣt ur nxeddem ara sdat n tewwurt n uxxam n tmehla n usedwel iwakken ad ssutren asewjed n yimukan n uxeddim, asiweḍ n uselmed n tmaziɣt ɣer merra timnaḍin u ɣer merra iswiren, imi ar tura, mazal llan yiɣerbazen ur nesɛi ula d yiwen n uselmad n tmaziɣt, akked uwenneɛ n liḥala n yiselmaden.
Azal n ssaɛa segmi i d-yella unejmuɛ-a, yeffeɣ-d unemhal n usegmi n Bgayet akken ad yemmeslay yid-sen, s wakka iwɛed-iten dakken ad yaru tabrat i uneɣlaf n tterbegga akken ad as-yessiweḍ isuturen-nsen. I wass-a n letnayen, yetturaju unejmuɛ-nniḍen akken ad ẓren tiririt n unemhal n ɣef temsalt-a. Wid yennejmaɛen din gezmen-tt di rray dakken ur ḥebbsen ara alamma tella-d tifrat i temsalt-a.
Ɛebdelɛaziz Ḥasani