Azal n 364 n yimdanen i yenɣan iman nsen gar useggas n 2005 d 2011 deg tɣiwanin yemgaraden n lwilaya n Tizi Wezzu, ɣef leḥsab n tnemhalt n yiɣallen n usellek n twilayt. 40 seg yimdanen-a yerran talast i tudert nsen d wid yesɛan gar 11 d 70 n yiseggasen di leɛmer nsen. D tawilat i sseqdacen i tmettant nsen mgaraden, maca tuget deg-sen d aḥnaq s temrart. Tizrawin i yettwaxedmen beddemma ɣef taluft-a ssawḍent ad d-beggnent dakken azal n 6 gar n 100 000 n yimdanen neqqen iman nsen deg tmurt n leqbayel. Irgazen, d wid yeṭṭfen taqacuct di taluft-a. Tuget n widak yesḥebsen tudert nsen d wid yettidiren deg yir liḥala si lixsas n tedrimt, axeddim d lḥif yeberbren fell-asen.
D.I