Deg timlilit i d-yeḍran ussan n 17,18 d 19 seg tuber 2011 di Zéralda, wid iḥeḍren deg-s mwatan ad d-fken kra n yiwellihen yerzan tajerrumt tanammast.
Tlata n yiḥricen i d-yufraren :
I / Iḥricen n tjerrumt d useggem nsen:
1- Aqeɛɛed n yiḥricen n tjerrumt:
a- Tutlayt: iwulem ad tettwaru tjerrumt s tmaziɣt
b- amawal: iwulem usdukkel n umawal n tjerrumt
c- Timeẓra n tjerrumt: anadi s telqayt akk isumar I tt-yerzan
d- Asemyizwer n yisumar I meṛṛa
e- abeggen n yakk iḥricen n tjerrumt d useɣti n wayen ilaqen.
2- Iḥricen n tjerrumt:
a- Agemmay d usmekti n yilugan n tira
b- Tamuɣli s umata ɣef tutlayt
c- Talɣa:
– Amyag
– Isem
– Iḥricen nniḍen
d- Taseddast: udmawen n tefyirt d usemres nsen
II / Tajerrumt d temḍawit:
a- Aḥader ɣef temḍawit daxel n tantala neɣ gar tantaliwin
b- Abeggen n umyizwer gar talɣiwin (ad nẓer melmi d wamek ara nefk azal I temḍawit)
c- Ad neǧǧ akken I tella temḍawit daɣ ad d-nerr talɣiwin yettwakksen.
d- tiririt n talɣiwin I izemren ad sxerbent anamek: ( tazelɣa n tnila d wurmir ussid)
e- Ad neǧǧ amkan n yiferdisen akken llan yakan
III / tajerrumt d tira:
a- Aseqdec n usenqeḍ
b- Tira n kra n yiferdisen (tanzeɣt « n », tazelɣa n wurmir « ad » d tin n wurmir ussid »la »).
c- Aseqɛed n tira ɣef leḥsab n yiwellihen n temlilit n Boumerdès 2010.
d- Aseqdec n yilugan n tira
Am wakken I walan wid iḥeḍren tlaq yiwet n temlilit nniḍen ideg ara d-yili leqdic ɣef usdukkel n umawal n tjerrumt. Am waken daɣ I ttwalin ilaq ad d-yili wassaɣ yettujerden gar Usqamu Unnig n Timmuzɣa akked tesdawiyin ideg tella tmaziɣt ɣef useddu n yinadiyen.