Ass n lexmis iεeddan, ssawḍen yigrewliwen ilibiyen yettnaɣen di Sirt tamnaḍt ideg qesḥen yimenɣan, akken ad d-ṭṭfen Mεemmeṛ Lqeddafi mbeεd mi yettwajreḥ s ṛṣas ayen i t-yeǧǧan ad yemmet ger yifassen-nsen. Isalli-ya iwekked-it-id s wudem unṣib tameddit n wass n lexmis win yettmeslayen s Usqamu Aɣelnaw Uεḍil CNT Abdelhafid Ghoga , deg walɣu i d-yeɣṛa seg Benghazi ideg yenna: » Ad nxebbeṛ amaḍal belli Lqeddafi nɣant yigrewliwen ilibiyen mbeεd mi yettwaṭṭef u netta yettwajreḥ ». Ttṣaweṛ timezwura n tedyant-a yeṭṭef-itent-id yiwen n uṣewwaṛ n tesnurayt AFP s ttawil n lpurṭabl, ideg nezmer ad nwali Lqeddafi yemmut, lǧetta-s tumes s yidammen. Segmi i slan s yisalli-ya yimezdaɣ n Libya nutni d lfeṛḥ, di Meṣṛata neɣ deg Udrar Ineffusen imezdaɣ εemṛen iberdan akken ad d-seknen lfeṛḥ-nsen d ussirem-nsen akken ad tekfu cceda mbeεd tamettant n Lqeddafi i ten-iḥekmen s ẓẓuṛ i wazal n 42 n yiseggasen.
Mokrane Chikhi