Ass n ssebt iεeddan, ihegga-d uxxam n yizerfan n umdan n Tizi Wezzu yiwen n usarag akked Said Khellil γef unnar asertan di tmurt n Lezzayer. Said Khellil, i wid ur t-nessin, d yiwen gar 24-nni yettwaḥebsen di tefsut n 1980. D ameγnas zik, di&gamma,; deg ukabar FFS, yella d imḍebber. Iwexxer-d seg ukabar-a imi yemxallaf rray d Ait Ahmed di kra n temsal.
Deg usarag-a, Said Khellil yemmeslay-d s umata γef tedyanin yeḍran di Lezzayer : 1963, 1980, 1988, 1991, 2001 d wakka tura…yenna-d “ur d-yelli ara ubeddel di tmurt-nneγ axater ‘’leğnas ur aγ-εawnen ara’’ ma γef unnar asertan yenna-d :’’Lezzayer tesεa kan yiwen n ukabar, DRS’’. Ur yettu ara ad yerr tajmilt i wid i d-yekkren mgal adabu ama di 1980 ama di 2001. Γef wannect-a dγa yenna-d :’’d tafsut n tmanyin i aγ-yewwin γer tsertit. D tedyanin n 2001 i yewwin ilmeẓyen-nneγ ad t-kecmen ula d nutni’’, xas ulamma yesḥassef aṭas γef wamek ddan leεrac di lweqt-nni. ‘’ Ttsetḥiγ yal mi ara εeddiγ sdat n tḥuna-nni n les genets, tiḥuna n leεrac.’’ Ikemmel deg wawal-is.
Am wakken i d-yewwi awal γef umgarad yellan gar FIS di Lezzayer akked Ennahda n Tmurt n Tunes. ‘’Di tunes, zemren i temsal axater γran, fehmen lecγal. Ma di tmurt-nne&gamma,; imeγnasen n FIS ur sennin, ur zmiren i wacemma…ala tisselbi d ẓzur.’’
Di taggara, yemmeslay-d γef tmurt n Leqbayel, εlaḥsab-is ‘’Yexleq-d udabu sin yiεdawen : aεdaw n daxel d tamurt n Leqbayel, aεdaw n berra d Lmaruk.’’
Hocine.M