Nemmured am bu sin iḍarren imi ara yebdu tikli. Imi i d-tɛedda lheffa n wuḍan, tufa-yaɣ-d deg umkan i deg nra timlilit. Lheffa ttagaden-tt ak medden amer ad teglu yis-sen, ad tawi lleqd-nnsen, nekni nɛemmed ad tɛeddi fell-aɣ, nɛemmed ad nsell i ṣṣut-is imi maci menwala ad as-yeḥder neɣ ad as-isel.. Lheffa, akken i tgellu s lerwaḥ i d-txelleq wiyiḍ, tettawi rruḥ yenɛettaben, rruḥ n widen yezgan ttnaɣen d yiman nnsen, qqaren: “ Nella am akken ur nelli», tthabin acihwi n wayen i ten-yessidiren, ayen yettleqqimen aḥeccad n tudert s isegmi n leḥlu.. Abrid ɣezziiiif i tikli, ṭṭafareɣ-t s wallen n wul i yi-ittawin ɣur-s. Aɛwin-iw d acqirrew n wussan. Ssikideɣ deg yitran i d-iyi-immalen abrid, serrḥeɣ i ucewwiq, teccarrew ṣṣura-w.. Taɣect-iw teffel akiiiiiiin i igenwan, tesself i ṣṣura-s, tefrawes, terrejrej, mmaren-t-d deg-s tawliwin, mmarent-d ccfawat, imiren kan i bninet temlilit…
Zira