Tanemhalt n leɣwabi n lwilaya n Tizi Wezzu d tin i ijerden deg useggas yezrin 2010 azal n 45 n teɛdiyyat deg rebɛa n tẓegwa. Ma deg useggas n 2009, llant-d kan 23 n tteɛdiyyat. Tixessarin-a d tid yeɛnan lebni berra i yisuḍaf, ayen yecban aḥwas n wakal n leɣwabi, d ugzam n yisekla. ilemend n. am wakken i dbedren yimḍebbren n uḥric-a anegzum n kra n yisekla i usexdem nsen d ttawilat n lebni neɣ ayen iwumi neqqar tigejda. Yella daɣ unegzum n tsullal yettusaxdamen i ẓẓerb n wurtiyen, akked d yisɣaren i useḥmu deg yixxamen. Ad nerr lewelha belli lwilaya n Tizi Wezzu, d tamerkantit s lɣella-a imi tesɛa azal 112000 n yihigtaren n tizzegzewt, gar-asent 48000 n leɣwabi d 64000 n wurtiyen, ɣef tesseḥbibir s waṭas.
D.I