Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
Tattefaḥt-nni tessufuγ-d allen d useqḍiḍ n win ara tt-iwalin ma ur yelluẓ, ladγa aḥric-nni azeggaγ teččur d lerbaḥ-nni yakk.
Aḥric-is nettat, ulac n lemḍerra deg-s, d “tendi-yas ticerket,tessu-yas leḥrir», akken yenna umedyaz, i d as-texdem.
Nuja ideflawen ur tezmir ara ad ttḍegger tiṭ-is sanda-nniḍen, ẓẓant kan deg wezgen-nni azeggaγ iγef d-yurew yimi-s aman, seg wakken ijebbed lehhu-s ulawen am ddkir.
Ur tfaq ara d yiman-is, almi d as-teẓẓel afus-is, teṭṭef-it-id wezgen-nni.
Akken kan tedrem kra deg-s, telleγẓam din din tennefḍas, teγliy-as i tmettant γer tlemmast irebbi-s, tewweḍ sanda ara naweḍ akk.
Tessaked deg-s tgellidt s wallen-nni n ddγel, tenna-yas:
« D tacebḥant am wedfel,
d tazeggaγt am idammen,
terna yemma-s n tebrek-nni yettirriqen, ahbuh ahbuh !!! »
Tikkelt-a ulac xali-m di tsirt, ad asen-teffeγ targit mezleg i yeymuyuden-im, ur d-igerri d acu ara d-rren deg-m d amuddur ».
Tewweḍ daγen γer lemri-s testeqsa-t:
“Ini-d ini-d a lemri
Deg idurar, illel neγ di tniri
Di tγerγert neγ deg igenni
Tella tmeṭṭut, aggur neγ itri
I d iyi-yugaren di ccbaḥa ?”
Yewweḍ-d wass-nni tettrağu s tuffra, d nnuba-s ad t-freḥ, yerra-yas-d lemri, yenna-yas:
“Ttu tura ussan kem-yerwin
A tagellidt ax aεwin!:
D kemm d taḥuskant ger tilawin
Di tγerγert, di tirga, deg igenni !”
yettkemmil