Yeɛreq yixef-is(VI)

Teγzi n tudert tessawaḍ Bab-is ayen i d- yedder, ayen iwala yettuγal-as am win yeqqes uzrem, yettagad ula d aseγwen. Dayen i yettrebbin deg-s tamuγli meẓẓiyen i kra n win yugar di leεmer ad tafeḍ yesseḥbibir tettecbibir γef wayen yebγun yili-d. Qqaren, win yeddren tudert-is ulayγer yeqqules γer tudert n wayeḍ myal akud s tarwa-s, myal tarwa s tmuγli-s, yal tamuγli s wallalen-is. Gar umeẓyan d umeqran akud yettaf iman-is yettaḍsa yeqqar: wali tura wihin yugad teγzi n tudert, wihin yeqqar awah a teγzi n tudert maca γas tudert tesdukel-iten, tamuli tebḍa-ten, yal yiwen anida ijebbed. Netta akken bγun jebden i tudert ur ffiγen ara.Mgaraden amek ara idiren, d acu n tudert ara idiren. Netta limer d lebγi yal wa ad yidir i wayeḍ, s wayeḍ. Temẓi di temγer, temγer di temẓi mi ara dduklent ad d-fkent tamuγli n yimmal ara d- yezgen i kra n win yeddren, maca i sin d yid-sen tidet ẓẓayet, yuεer leḥsab i tifin…

Dda Weεli: Deg uxxam-nneɣ

Bujemεa: Deg uxxam-nneɣ

Akli: I wexxam-nnwent anida i d-yezgat?

Bujemεa: Deg taddart-nneɣ

Akli: I taddart-nnwent anida i tella?

Bujemεa: Deg udewwar-nneɣ

Akli : I udewwar-nnwent anida i d-yezga?

Bujemεa: Di lεerc-nneɣ

Akli : I lεerc-nnwen anida i d-yezga ?

Bujemεa : Lerc-nneɣ yezga-d di tmurt-nneɣ(s zεaf ) di lenaya-k ma ur iyi-tenniḍ i wacu mi tettnadiḍ akka ad tfehmeḍ?

Akli: Bɣiɣ ad ak-issineɣ

Bujemεa : Ur d-iyi-tessineḍ ara ?

Akli: Ur k-ssineɣ ara

Bujemεa: Ihi, kečč d agujil.Twalaḍ nekk wiyilan? nekk n At mečč aɣrum, n At Mečč aɣrum, dayen?!

Akli : (yeṭṭerḍeq d taḍsa) Ah ! n At mečč aɣrum ! dayemmi i tettezziḍ tettenḍeḍ si ssbeḥ

Bujemεa: I kečč wik ilan?

Akli: Nekk n At war adrum (Dda Weεli yedduqqes

Bujema yewhem rewlen γer tama nniḍen wexxren ɣef Wakli, ḥazent)

Dda Weεli: (s zεaf ) Amek! tberraḍ deg udrum-ik nerna nekkni nbedd-d ɣer yiri-k

Akli: S talwit kan a dda Weεli yelha leqel

Dda weεli: D kečč i yeffeγ leεqel

Akli: Aεεa? yella win mi yefleɣ s axxam?yella win mi-d-ččiɣ aɣrum? Aqel-i udem allen

Bujemεa: Aya iedda di kra ma yellan, γef udem n tlelli tberraḍ deg udrum d tirni (yessemẓ i tilelli yessemγer adrum)

Akli: Atan d kečč, limer ad ttweεiḍ ad tt-tzegleḍ?

Bujemεa: (s lɣiḍ) lemmer d nekk, welleh ma uɣaleɣ-d alamma rriγ-tt-id yid-i, aṭas i d iyi-tɣaḍ ɣas akka ur tt-ssineɣ ara (yettru)

Akli: A Rebbi lḥemdu lleh, ɣer zdat n calleh, i tura Tebγiḍ ad teẓreḍ tilelli?

Bujemεa: (s ucedhi) Anida-tt?

Akli: Atta dayi kan, cwiṭ i d-mazal ad naweḍ

Bujemεa: Amek ara nexdem?

Akli: Tamenzut: ad tberriḍ deg udrum-ik, akken berraɣ deg udrum-iw

Dda weεli: (s uεellum) ad aγ-nnγen. (Bujema irewel-d ɣer deffir n Dda Weεli Akli iḍfer-it-id yeṭṭef-it-id gar tuyat yezzuɣer it-id)

Bujemεa: Llan wiyaḍ neɣ d nekkni Kan?

Akli: Ass-a deg sin, azekka ad d-rnun sin

Dda weεli: (s leyaḍ n uellum) Ad aɣ-nɣen (Bujemεa ad d yerwel γer Deffir n Dda Weεli )

Akli: Acimi nekk ur d iyi-nγin ara? (yeṭṭef-d

Yettkemmil

Akli Tamazirt