D tidukla n yemyura ikaṭaliniyen di d-ilulen deg 1922 i d as-t-yefkan ussan iɛeddan i lmend n leqdic i d-heggan d tajmilt i yemyura yettnaɣen ad ssaysen tilelli i yiles d yimru… S wawal “la parole brûle le feu», i lmend n wass gar leǧnas n yemyura di ddunnit merra, tefka-yas-t tdukla Le Pen Catalan ak d yemḍebbren d tdukliwin n tegzirin n Majorque. Aṭas i d-illan n leqdic n tsekla di tamiwin nniḍen : Agramunt (Lleida), Palma n Majorque, Barcelone ak d Ibiza, tella-d d aɣen tɣuri n yeḍrisen i truẓi n cckal.
Salem Zénia d amyaru, d amedyaz, d aneɣmas ameɣnas. Yuɣ-d aẓar di Fréha, si Tizi Wezzu. Yexdem d aneɣmas deg uɣmis Tamurt gar 1990 almi d 200O .Yeslul-d netta d wemdakel-is Muḥ Si Belqasem aɣmis Iẓuran, d isem-is i d awal-is! Aṭas i yura n yedlisen ama d amuden n Isefra (Tirga n Yidir , “Tifeswin” i d-yeffɣen di Franṣa, “Iṭij aderɣal” i d-yeffɣen di Barcelone di 2008, neɣ d ungalen : “Tafrara” i d-yeffɣen snat tikkal ɣer l’Harmattan di lpari, tineggura-yagi ɣer tezrigin Tira n Bgayet, “ Iɣil d wefru” i s-d-iḥella araz Apulé i s-yettunefken di Lezzayer deg 2004 .
Sya d tusawent yettheggi ungal ajdid “ Aẓar n tagut” ara d-yeffɣen di Tizi wezzu ɣer tezrigin Odyssée. Aẓar n tagut d tadyant yeḍran di 24 ssaɛa, ass n tlelli n tmurt n Lezzayer, d ungal qessiḥen, d tamuɣli ɣef umezruy n tmurt-nneɣ yezzren di temda n tatut, d tiɣri n Zénia i yemyura n umezruy, ad d-skeflen amezruy uffir n tmurt n Lezzayer, ad t-mmlen i yizzayriyen akken ma llan. Si tama nniḍen yettheggi ad d-iɛawed asufeɣ n wungal “Iɣil d wefru” ɣer tezrigin Tira, aṭas n tmedyazt tamaziɣt-takaṭalant di tmurt n Spenya, yettheggi d aɣen amawal Tamaziɣt-takaṭalant ad t-afen ama d imaziɣen yettidiren di Spenya ama d ikaṭalanen.
Am wakken yeqqar Zénia deg wawal-is: “ amennuɣ mazal ad ikemmel, annect nebɣu nekkit, annect nebɣu nidir-it d ulaqrar ad nessiweḍ”. D amerbuḥ i teqbaylit, d amerbuḥ i Zénia, i Imaziɣen anda ma llan!
Zira