“A wer tedden, a wer teẓẓal”

Ttalsen-d, llan tlata n yirgazen seg yimezwura n taddart n Ugemmun, Abdelkrim, Ḥeggun d Aεmer bɣan ad d-zuren Sidi Mḥed Wehlal, bdan, ttmeslayen gar-asen. Yenna-as Aεmer : ‘’a wi yeččan tacebbaḍt, ara d-ggent tlawin-nsen!’’ Inṭaq-d Abdekbir ittafgen: ‘’a wi izṛan tilawin-nsen!’’ Nnan-as: ‘’i kečč a Ḥeggu? D acu i tebɣiḍ ?’’ Yenna-as: ‘’nekk bɣiɣ ad d-ẓureɣ, ad d-awiɣ lbaraka i warraw-iw.’’ Netta Sidi Mḥed Wehlal, iseelm-as Rebbi : Tilawin n At Hlal d timrabḍin, ḥejjbent, ur tteffɣent ara. Mi d-wwḍen s At Hlal, ifraḥ yis-sen, yenna-asen mreḥba, leeslama-nwen. Inna i tlawin, sewwemt tacebbaḍt a ten-in usan-d zziyar. Ta tetteg, ta tesewwa, yal yiwet tena cɣel-is. Alammi yewwa, ceyyeent aqcic ɣer baba-tsent, nnant-as ha-t-a yewjed lqewt. Iruḥ-d, inna-yasent : ‘’awimt-t-id kunemti, ta ad d-tawi lqewt, ta ad d-tawi aman.’’Nnant-as amek ara neqdec sdat zziyar, yak nekenti nḥejjeb ? Yenna-asent: ‘’a yess-i, tmeẓremt di tbaḍnit, ad teiwdemt di tḍahrit.Ruḥent s tergagit, sersent lqewt d waman sdat zziyar, uɣalent. Zzeyyar ččan alammi ṛwan, nnan ḥemdullah, sersen tiɣenǧawin. Issawel-asent i yessi-s, yenna-asent: ‘’ṛwaḥumt, ad tawimt ijeqduren-agi. Ddment ijeqduren-nni, kkrent ad uɣalent inna-asent:‘’beddemt, teslemt. Izzi ɣer wid-nni, inna-asen: ‘’a win issutren tacebbaḍt, teččiḍ, terwiḍ! Fkiɣ-ak lεella, ad tetteḍ ur trewwuḍ, ad txeddmeḍ ur teeyyuḍ! a win isutren tamuɣli, atent-in wali-tent! Ruḥ, tekkseḍ sser ɣef yess-i, fkiɣ-ak leema u lekḥel. I kečč a Wḥeggu, tsutreḍ lbaraka! Fkiɣ-ak lbaraka deg warraw-ik, ggiɣ-ak am ubelluḍ n uɣanim, mi iruḥ ad iqqar, ad d-ixlef, ad d-ikker. Iḥya-k lḥeg, win issutren tamuɣli, tarrawt-is ffɣen d iderɣalen. Win issutren učči, ayen ččan, ur iban ara fell-asen. Ttmettaten ɣef ueebbuḍ-nsen. Ma d win issutren lbaraka, amur-is iburket, innerna .Mi ikcem anda llant yessi-s, yufa-tent ttrunt, yenna-asent: ‘‘ruḥumt, win i kent-ieuzen, d tigellalin, ma ulac d tiklalin. Anda ara tḥejbemt ur teseumt ara dderya” .

Yeǧǧa-d awal, qqaren:

A wer tesɣar

A wer tedden, a wer teẓẓal

Ur tḥeǧǧeb, ur nesseḥjab.

Ramdane Lasheb