Yeɛreq yixef-is(ifuk)

Tarbaεt: Ulac

Bujemεa: Nnsuɣ-d ɣer leqraya! Ilindi akka, aseggass-a akka gar yilindi d useggas-a akka…

Tarbaεt: Ulac

Bujemεa : Nsuɣ-d ɣer tnaṣlit, tanaṣlit.Tanaṣlit twalam ssefrut-aɣ-tt-id.ddin zeddig anefet-as di teɣmert zeddig.zzi nneḍ, zzi nneḍ, zzi nneḍ aya nneḍ.

Akli: Raju ur tenneḍ ara, sifer kann asifer. akerfa ḥeggez-it iman-is, aεeqqa iman-is.

Tamurt-nneɣ d agerruj, tella lxedma i yal yiwwen, tella tmezduɣt i yal yiwen. ɣas nesleb yelha ujerreb, ɣer zdat ad nqerreb

Bujemεa: (am win i t-id yessakin neγ di targit i yella ur yumin ara ayen iẓer ) A yakli (iqerreb ɣerWakli ) teḥliḍ ay Akli ?

Akli : (s uberri) Ayya wexxer-iyi syin anida iyi-t-Sneḥ akka ?

Bujemεa: Nekk d Bujemεa

Akli: Ur k-ssineɣ ara akk

Bujemεa: Nek d Bujemεa! Nemlal anida akken yeεreq yixef-is. Nebda-d deg uzegzaw, ɣer urbiεi newwḍ-d ɣer uzeggaɣ-nni seg wass-n tuɣaleḍ mačči d Akli ay Akli

Akli: (yemmekta-d) D kečč i d Bujemεa!?

Bujemεa: D nekk i d Bujemεa s uksum, s weglim, s iγessan d nekk i d Bujemεa (myegren irebbi Bujemεa anida ara k yerr a llferḥ yettεeggiḍ)

Bujemεa: A yeḥla Wakli, a yeḥla Wakli, a Yehla Wakli (Ssya w ssya teggar-d)

Akli: I leqzira-nni n Dda Weεli?

Bujemεa: Uh ay Akli Dda Weεli yuli

Akli: Anida i yuli?

Bujemεa: Tecreḍ-it-id tlelli, yuli ɣer lberj n Leɣriq

Akli: Yuli, ah!

Bujemεa: Limer ad twaliḍ ay Akli imi ara d-yas ɣer taddart yettlusu-d akustim yettaɣ-d cmingu i warrac

Akli: Yuγal yettseddiq!

Bujemεa: Dda Weεli yuli .Yettruḥu ɣef Lemqamat yessaɣay ticemmaεin

Akli: Yuɣal d lmumen!

Tarbaεt: Dda Weεli yuli.

Bujemεa: Limer ad twaliḍ yesnulfa-d yiwet n deεa d Tajḍiṭ (ad t-id yemmekti) ih yeqqar-as ad as-yefk Rebbi ssiqa, d nnefeln lebḥur, lqaεa ad taweḍ ɣer igenni, igenni ad d yaweḍ ɣer lqaa, nekk ur d iyi-d-tettaweḍ ara

Akli : Ur t-id-ttaweḍ ara ah ! i tura anida-t (Yessuli-yas aqerru-s Akli iwala dda Weεli

ɣer ṭṭaq)

Akli: (ad as yessiwel) w a Dda Weεli

Dda weεli: Aw

Akli: Subb-d

Dda weεli : Anida ara n-subbeɣ

Bujemεa: Γer lqaa

Dda weεli : Ur yelli uṣubbu

Akli: Amek ulac aṣubbu

Bujemεa : Yak sswab di lqaεa i yella

Dda weli : A tura yuγal ɣer yigenni

Akli : A mačči akka i d- nnam uqbel ad talim

Bujemεa : A dda Weεli ay argaz lεali

Dda weεli : A zik-nni, tura diri-yi

Akli : A dda Weεli ad d-ṣubbeḍ neɣ ad naliɣ

Dda Weεli : Aṭas i tεeṭṭleḍ

Tarbaεt : Ad d-ṣubbeḍ neɣ ala

Dda weεli : εasset kan aql-ayin

tarbaεt : Terwi tebberwi

Tettawi ur d ttawi

Teγli telleɣwi

Yeεreq ur d -iban yixef-is

Akli Tamazirt