Tamdint n Ain Bessem i d-yezgan ɣef lewhi n 20 ikilumitren tama n umalu n Tubiret tenhez i tikkelt tis…s lmut n yiwen n yilemẓi n 24 n yiseggasen di leɛmer-is. Tamettant-a tella-d lewhi n 23h d uzgen deg uzniq n tlemmast n temdint mi L.M yettwet s waṭas n tiyitiwin s yisekkin. Ɣef leḥsab n wid yellan dinna, ssebba n tmenɣiwt-a tekka-d seg yimenɣi gar-as d win i t-yenɣan. Si tama-nsen, iɣallen n laman ldin akka yiwen n ukaram n unadi iwakken ɣef ssebba taḥeqqanit n tedyant-a. Ma d win yenɣan, yettwaṭṭef s-ɣur srabes n laman akked gma-s d lǧar-is yellan yid-s lawan n twaɣit. Ayen yuɣalen d aɣilif laan-a di temdint-a dakken, taggara-agi, ṭṭuqten lehmum yessawaḍen ɣer tmenɣiwt almi qrib yal sin ar tlata n wagguren ad nsel s twaɣit.
S. M